لەۆيت- تيشەنكو جەكپە- جەگى دە، تورەلىك تە ماسقارا بولدى - امەريكالىق باسىلىم

باسىلىمنىڭ جازۋىنشا، تورەشىلەر القاسىنىڭ اقىلعا سىيمايتىن شەشىمىنىڭ ارقاسىندا رەسەيلىك بوكسشى ە. تيشەنكو ۆاسيلي لەۆيتتەن باسىم تۇسكەن.
«سوڭعى ۋاقىتتا وليمپيادا ويىندارىندا بوكس «تاستاق» جولمەن ءجۇرىپ كەلەدى جانە ح و ك باسشىسى توماس باح تورەشىلەردىڭ ءبىراۋىزدان شەشىمى جاريا ەتىلگەن كەزدە زالدا ورىن العان نارازىلىق ءۇنىن ەستىگەندە ريزا بولماعان دا شىعار. ەگەردە باح ماراپاتتاۋ راسىمىندە بولعان كەزدە جانكۇيەرلەر تارابىنىڭ كەزەكتى نارازىلىق ءۇنىن تاعى ءبىر مارتە ەستىر ەدى. جەڭىس تۇعىرىندا تۇرعان لەۆيتتىڭ رەسەيلىك ە. تيشەنكو التىن مەدال العان كەزدەگى نارازى ءۇنىن باسۋعا تىرىسقانى ءساتسىز بولدى. بارلىق ءۇش تورەشىنىڭ دە ءبىرىنشى ورىندى تيشەنكوعا بەرگەنى تۇسىنىكسىز. جەكپە- جەك قىزعان ساتتە تورەشىنىڭ ونى توقتاتىپ، سول ارقىلى بارىنشا كاسىبي تۇرعىدا كورىنگەن لەۆيتتىڭ جويقىن سوققىلارىنىڭ الدىن الدى. ارەنادا وتىرعان كەز كەلگەن ادامعا لەۆيتتىڭ جەكپە- جەكتە جەڭىسكە جەتۋگە لايىقتى ونەر كورسەتكەنى تۇسىنىكتى ەدى»، - دەپ جازادى امەريكالىق باسىلىم.
ال قازاقستان بوكسشىسى تورەشىلەر شەشىمى جاريا ەتىلگەنگە دەيىن ومىرىندەگى ەڭ ۇلكەن جەكپە- جەكتە جەڭىسكە جەتكەندىگىنە سەنىمدى بولعان ەدى. «شىنىمدى ايتسام، جەڭىسكە جەتتىم دەپ ويلادىم. جاتتىقتىرۋشىلار دا مەنىڭ بارلىق تاكتيكالىق تاپسىرمالاردى تىڭعىلىقتى ورىنداعانىما ريزا بولدى»، - دەگەن ەدى ول.
اۆتور: مارلان جيەمباي