برازيليا پرەزيدەنتى مىندەتىن اتقارۋشى ميشەل وليمپيادانىڭ جابىلۋىنا قاتىسپايدى

دەپ حابارلادى ت ا س س.
Folha de Sao Paulo گازەتى جازعانداي، ساياساتكەر ءوزى قاتىسقان برازيليا پرەزيدەنتى لاۋازىمىنان ۋاقىتشا شەتتەتىلگەن ديلما رۋسەففكە يمپيچمەنت بويىنشا جاقىندا وتكەن داۋىس بەرۋ كەزىندەگى كەلەڭسىز ەپيزودتاردان قاشۋعا تىرىسادى.
وليمپيادانىڭ اشىلۋى كەزىندە پرەزيدەنت مىندەتىن اتقارۋشى قولايسىز ساتتەرگە تاپ بولدى. «ماراكانا» ستاديونىنداعى ساياساتكەر ءسوز سويلەگەن 10 سەكۋند بويى جۇرتشىلىق نارازىلىق ءبىلدىرىپ، ىسقىرعان. سونىمەن بىرگە، م. تەمەر ءداستۇر بويىنشا وليمپيادا ويىندارىن قابىلداۋشى ەلدىڭ باسشىسى رەتىندە تانىستىرىلعان جوق.
ب ا ق مالىمەتى بويىنشا، بۇل شەشىمدى وليمپيادا كەزىندەگى نارازىلىقتار سانىن ازايتۋ ءۇشىن پرەزيدەنت مىندەتىن اتقارۋشىنىڭ ءوزى قابىلداعان.
10- تامىز كۇنى برازيليانىڭ فەدەرالدى سەناتى (پارلامەنتتىڭ جوعارعى پالاتاسى) رۋسسەففكە يمپيچمەنت ءراسىمىنىڭ جالعاسۋىن قولدادى. بۇل شەشىمدى زاڭ شىعارۋشىلاردىڭ 59-ى قولدادى، 21- ءى قارسى بولدى.