بايان ەسەنتايەۆا حالىققا ءجۇزىن كورسەتتى - فوتو

بايان ەسەنتايەۆانىڭ امان- ساۋ ءوز قىزمەتىنە ورالۋىن كوپ كۇتكەن ەل بۇگىن سۇيىكتى اكتريساسىنىڭ سۋرەتتەرىن كورىپ، ءبىر قۋانىپ قالدى. Instagram الەۋمەتتىك جەلىسىندە پروديۋسەردىڭ كامەراعا ءجۇزىن كورسەتىپ تۇسكەن سۋرەتى جاريا بولدى.
سۋرەتتەر باياننىڭ ءالى دە تەڭىز جاعالاۋىندا دەمالىپ جاتقانىن كورسەتەدى. دەگەنمەن، ونىڭ بۇل سۋرەتتەرى بۇرىنعىلارىنان وزگەرەك ەكەنى ايتپاسا دا تۇسىنىكتى.
اكتريسانىڭ سۋرەتتەرىن كورگەن قولدانۋشىلار ءوز قۋانىشتارىن جاسىرماي، وعان ودان ءارى ساۋىعۋىن تىلەپ، ءبىر مارقايىپ قالدى.
ەستەرىڭىزگە سالساق، بيىلعى جىلدىڭ 10 ماۋسىمىندا قازاقستاندىق پروديۋسەر بايان ەسەنتايەۆانى كۇيەۋى باقىتبەك ەسەنتايەۆ اۋىر سوققىعا جىعىپ، ول تالعار اۋداندىق اۋرۋحاناسىنىڭ جانساقتاۋ بولىمىنەن ءبىراق شىققان ەدى.
بۇدان سوڭ، ونىڭ كۇيەۋى باقىتبەكتىڭ تۇتقىنعا الىنعانى بەلگىلى بولعان. ال تامىزدىڭ 3 - كۇنى ونىڭ اباقتىدا وتىرۋ مەرزىمى تاعى ءبىر ايعا ۇزارتىلعان بولاتىن. بايان 20 - ماۋسىم كۇنى اۋرۋحانادان شىعارىلىپ، كەيىننەن ونىڭ گەرمانيادا ساۋىقتىرۋ ورتالىعىندا جاتقانى بەلگىلى بولعان.