ريو وليمپياداسىنىڭ چەمپيونى دميتري بالاندين الماتىعا ورالدى

حالىقارالىق اۋەجايدىڭ VIP- تەرمينالىندا جەڭىمپازدى الماتى قالاسىنىڭ اكىمى باۋىرجان بايبەك، قازۇۋ رەكتورى عالىم مۇتانوۆ، سونداي- اق، دميتري ءبىلىم الاتىن وسى ءال- فارابي اتىنداعى قازۇۋ ستۋدەنتتەرى، سپورت سالاسىنداعى ۇيىمداردىڭ وكىلدەرى، جاس سپورتشىلار، قالا تۇرعىندارى - بارلىعى 300-دەن استام ادام زور قۋانىشپەن قارسى الدى.
قولدارىنا ترانسپارانتتار، پلاكاتتار مەن كوك بايراق ۇستاعان جاستار دميتري VIP- تەرمينالدان شىققان بەتتە «بالاندين - چەمپيون»، «العا قازاقستان» دەپ ۇرانداتتى.
«دميتريي بالانديننىڭ ريو ءوتىپ جاتقان جازعى وليمپيادا ويىندارىنداعى جەڭىسى - ءبىزدىڭ ەل ءۇشىن تاريحي جەڭىس. ءبىز بۇكىل ەل بولىپ، بۇل جەڭىسكە ەرەكشە قۋاندىق. مىنەكي، 21 جاستاعى دميتري بالاندين بىرنەشە كۇننىڭ ىشىندە جاستاردىڭ «كۋميرىنە» اينالدى. ءبىراق، ول قاراپايىم، بيازى جىگىت. بۇل جەڭىس ونىڭ باسىن اينالدىرىپ جىبەرمەيدى دەپ ويلايمىن. دميتريدىڭ جەڭىسى كەزدەيسوق جەڭىس ەمەس. ول بۇل جارىسقا جىلدار بويى تەر توگىپ دايىندالدى. ءسويتىپ، ءادىل تۇردە جەڭىمپاز اتاندى. الداعى ۋاقىتتا ەلىمىزدە دميتري بالاندين سەكىلدى جاستار كوپتەپ شىعىپ، چەمپيون اتانىپ، ەلىمىزدىڭ ابىرويىن ارتتىرادى دەگەن سەنىمدەمىن»، - دەدى ءوز سوزىندە الماتى قالاسىنىڭ اكىمى ب. بايبەك.
ءوز كەزەگىندە دميتري بالاندين قالا باسشىسىنا جانە چەمپيوندى قارسى الۋعا كەلگەن بارشا ازاماتتارعا ريزاشىلىعىن ءبىلدىردى.
«بىزگە قولداۋ كورسەتكەندەرىڭىزگە شىن جۇرەكتەن العىسىمدى بىلدىرەمىن. سىزدەردىڭ قولداۋلارىڭىزدى ءبىز قاشاندا سەزىنىپ جۇردىك. مەن ءۇشىن ەلىمىزدى الەمگە تانىتۋ، كوك تۋدى جەلبىرەتۋ اسقان مارتەبە»، - دەدى د. بالاندين.
بۇدان كەيىن، جانكۇيەرلەر دميترييمەن فوتوعا ءتۇسىپ، ودان جاپا- تارماعاي قولتاڭبا الۋعا كىرىستى.
ايتا كەتەلىك، بۇگىن دميتري بالاندينمەن بىرگە الماتىعا ونىڭ اتا- اناسى مەن جەكە باپكەرى الەكسەي كازاكوۆ، سونداي- اق، شالقالاپ جۇزۋدەن قازاقستاندىق سپورتشى ەكاتەرينا رۋدەنكو، باس جاتتىقتىرۋشى ولەگ ۆاگيزوۆ ۇشىپ كەلدى.
دميتري بالاندين ريو- دە- جانەيرو قالاسىنىڭ وليمپيادالىق ءجۇزۋ ورتالىعىندا وتكەن جارىستا 200 مەترگە براس ادىسىمەن ءجۇزۋ بويىنشا وليمپيادا چەمپيونى اتاندى. ونىڭ كورسەتكىشى - 2:07.46 مينۋت.