استانادا لومباردتى توناماق بولعان كۇدىكتىنى تەرگەۋ ءجۇرىپ جاتىر

استانا. قازاقپارات - استانادا لومباردتى توناماق بولعان كۇدىكتىنى تەرگەۋ ءجۇرىپ جاتىر.
None
None

بۇل تۋرالى بۇگىن وقيعا ورنىندا قازاقپارات تىلشىسىنە استانا ءى ى د باسپا ءسوز قىزمەتىنىڭ جەتەكشىسى سوفيا قىلىشبەكوۆا ءمالىم ەتتى.

«لومباردقا قاراقشىلىق جاساماق بولعان ادام عيماراتتان شىعارىلدى. قازىرگى كەزدە ءتيىستى شارالاردىڭ اياسىندا ونى تەرگەۋ امالدارى ءجۇرىپ جاتىر»، - دەدى س. قىلىشبەكوۆا.

ناقتىلانعان مالىمەتتەر بويىنشا، كۇدىكتى 1974 -جىلعى استانا تۇرعىنى. وپەراتسيا جۇرگىزۋ بارىسىندا ۇستالعان ادامنان پنەۆماتيكالىق قارۋ تاركىلەنىپ، بالليستيكالىق ساراپتاماعا جىبەرىلدى.

اتالعان لومباردتىڭ ەكى قىزمەتكەرى امان- ەسەن بوساتىلدى. اتاپ ايتقاندا، 2,5 ساعات كەلىسسوزدەر جۇرگىزىلىپ، كۇدىكتى پوليتسياعا قارسىلىق كورسەتكەن جوق. جالپى ەشكىم دە زارداپ شەكپەدى.

ونىڭ سوزىنە قاراعاندا، لومباردقا مۇلىكتىك زاقىم كەلگەن جوق. كۇدىكتىمەن اراداعى كەلىسسوزدەر تەلەفون ارقىلى جۇرگىزىلگەن كورىنەدى.

ەسكە سالا كەتەيىك، بۇگىن كەنەسارى كوشەسىندە «سپۋتنيك» دۇكەنى اۋدانىندا ورنالاسقان «م- لومباردتى» توناۋعا ارەكەت جاسالدى. ىشكە باسىپ كىرۋ كەزىندە دابىل تەتىگى ىسكە قوسىلىپ، ەسىك اۆتوماتتى تۇردە قۇلىپتالىپ، ىشتە كۇدىكتى جانە ەكى لومبارد قىزمەتكەرى قامالىپ قالدى. اتالعان لومباردتا كۇزەتشى بولماعان، ياعني عيماراتتىڭ دابىل بەلگىسى قاشىقتان كۇزەت فيرماسىنا قوسىلعان ەكەن.

جەدەل ءىس- شارالارعا قالانىڭ بارلىق شۇعىل قىزمەتتەرى تارتىلدى. شارا ىشكى ىستەر ءمينيسترىنىڭ ءبىرىنشى ورىنباسارى مارات دەمەۋوۆتىڭ باسشىلىعىمەن جۇرگىزىلدى. قاراقشى ارنايى قىزمەتتەر جاۋىنگەرلەرى عيماراتتىڭ ىشىنە كىرگەننەن كەيىن ۇستالدى.

قازىرگى كەزدە ق ر ق ك- ءنىڭ 192 بابى - «قاراقشىلىق» جانە ق ك- تىڭ 261-بابى - «كەپىلگە الۋ» بويىنشا سوت الدىنداعى تەرگەۋ ءجۇرىپ جاتىر. ءتيىستى ساراپتامالار تاعايىندالدى. تەرگەۋ امالدارى جۇرگىزىلۋدە.



null null null 

 



اۆتور: رۋسلان عابباسوۆ

سوڭعى جاڭالىقتار