قازاقستاننىڭ اسكەريلەرى ەلبرۋس شىڭىن باعىندىردى - فوتو

استانا. قازاقپارات - ارميا حالىقارالىق ويىندارى شەڭبەرىندە كاباردين- بالقاردا «ەلبرۋس شىعىرشىعى» بايقاۋى اياقتالدى. سايىسقا قازاقستان، رەسەي، قىتاي جانە يراننىڭ كوماندالارى قاتىستى،
None
None

 دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

جارىستىڭ 10 - كۇنى ىشىندە قاتىسۋشىلار بيىكتىكتەردىڭ ۇلكەن قۇلامالارى بار ۇزىندىعى 105 شاقىرىمدىق باعداردان ءوتتى، تاۋلى وتكەلدەردى، مۇز ايدىندارىن، وزەندەردى ەڭسەردى. سونداي- اق، ەۋروپالىق قۇرلىقتىڭ جوعارى نۇكتەسى - ەلبرۋس تاۋىنىڭ شىڭىنا شىقتى. قازاقستاندىقتار بۇل سايىستا ءۇشىنشى ورىن يەگەرلەرى اتاندى.

 «تەك جوعارى كاسىپقويلىق، رۋح پەن ەرلىك كۇشى عانا سايىس قاتىسۋشىلارىنا باعداردىڭ بارلىق قيىندىقتارىنا توتەپ بەرۋگە جانە ەلبرۋس شىڭىندا تۋلارىن جەلبىرەتۋگە مۇمكىندىك بەردى. «ەلبرۋس شىعىرشىعى» حالىقارالىق بايقاۋى سەرىكتەستىك قارىم- قاتىناستى دامىتۋ، ءارتۇرلى ەلدەردىڭ قارۋلى كۇشتەرى اراسىندا سەنىم مەن ءوزارا تۇسىنىستىكتى نىعايتۋ ءۇشىن قارىمدى ىنتالاندىرۋ بولدى»، - دەدى ر ف قورعانىس ءمينيسترىنىڭ ورىنباسارى نيكولاي پانكوۆ.

 ارميا حالىقارالىق ويىندارىنداعى قىزۋ تارتىستا قازاقستاندىق دەسانتشىلار تاعى ءبىر كۇمىس مەدالدار جيىنتىعىن جەڭىپ الدى. نوۆوروسسيسكڭ ماڭىنداعى رايەۆسكي پوليگونىندا «دەسانتتىق ۆزۆود» حالىقارالىق بايقاۋى اياقتالدى. قازاقستان رەسپۋبليكاسى قارۋلى كۇشتەرىنىڭ كومانداسى قىتاي مەن بەلورۋسسيانىڭ كوماندالارىنان وزىپ، ءدۇبىرلى دودادا ەكىنشى ورىندى ەنشىلەدى.

 پاراشيۋتتىك- دەسانتتىق جانە دەسانتتىق- شابۋىلداۋ بولىمشەلەرىنىڭ «دەسانتتىق ۆزۆود» حالىقارالىق بايقاۋى 4 كەزەڭدە ءوتتى. سايىستارعا رەسەي، قازاقستان، بەلورۋسسيا، قىتاي، يران، مىسىر جانە ۆەنەسۋەلانىڭ اسكەري قىزمەتشىلەرى قاتىستى.

null null null null 

سوڭعى جاڭالىقتار