وليمپيادا جۇلدەگەرى: مەدال ءومىرىمدى وزگەرتتى - كەسكىن

استانا. قازاقپارات - 2008 -جىلعى بەيجىڭ وليمپياداسىنىڭ جۇلدەگەرى، گرەك- ريم پالۋانى نۇرباقىت تەڭىزبايەۆ وليمپيادانىڭ قولا مەدالىنەن كەيىنگى ءومىرى تۋرالى ايتىپ بەردى.
None
None

«8 جىل بۇرىن ءدال وسى كۇنى مەنىڭ ومىرىمدە وسىنداي ءبىر قۋانىشتى ءسات بولدى... جاراتۋشىنىڭ قالاۋىمەن، حالىقتىڭ قولداۋىمەن بەيجىڭ وليمپياداسىنىڭ قولا جۇلدەسى بۇيىردى. وليمپيادا مەدالىنە جەتۋ جولىندا جاقىندارىم، دوستارىم، ۇستازدارىم، باپكەرلەر، تاعى باسقا كوپتەگەن ادامداردىڭ ۇلەسى وتە زور بولدى. ەگەر سول قولا مەدالدى قولداۋ كورسەتكەن ءاربىر جانعا ءبولىپ بەرۋ مۇمكىن بولسا دا، جۇزدەگەن بولشەككە بولسەم دە جەتپەس ەدى»، - دەيدى ن. تەڭىزبايەۆ ءوزىنىڭ فەيسبۋكتەگى پاراقشاسىندا. - "وليمپيادانىڭ قولا مەدالىنەن كەيىن ءومىرىم وزگەردى مە؟" دەگەن سۇراققا "ءيا، ءسوزسىز وزگەردى" دەر ەدىم. جانۇيالى بولدىم، بالالى- شاعالى بولدىم، باسپانالى بولدىم، سىزدەردەي دوستارىم كوبەيدى، حالىق ىقىلاسىنا بولەندىم. «ال قولا مەدال نۇرباقىتتى وزگەرتتى مە؟» دەگەن سۇراققا، «جوق» دەپ نىق سەنىممەن ايتا الامىن».

سپورت ارداگەرى قيىن شاقتاردا قولداۋ كورسەتىپ، وليمپيادا شىڭىن باعىندىرۋعا بىردەن- ءبىر سەبەپشى بولعان قازاق جۇرتىنا جانە باپكەرلەرىنە ريزاشىلىعىن ءبىلدىردى.

«سپورتتىق كارەرانىڭ قيىن دا قىزىق بەلەستەرىنەن ءوتتىم. كاسىبي سپورتتى اياقتاعانىممەن، سپورتتان الىستاعان ەمەسپىن. قازاق ەلىنىڭ اتىن اسقاقتاتىپ، شەت ەلدە كوك تۋىمىزدى جەلبىرەتۋ مەن ءۇشىن ۇلكەن ابىروي بولدى. وسىنداي جولدا كورسەتكەن قولداۋلارىڭىز ءۇشىن سىزدەرگە مىڭ دا ءبىر العىس!»، - دەپ اتاپ وتەدى ول.

نۇرباقىت مولداحمەت ۇلى تەڭىزبايەۆ 1983 -جىلى 10 -ساۋىردە الماتى وبلىسى پانفيلوۆ اۋدانى ءۇشارال اۋىلىندا تۋعان. 1995 -جىلدان گرەك- ريم كۇرەسىمەن اينالىسا باستادى. گرەك- ريم كۇرەسىنەن جاستار اراسىنداعى الەم چەمپيونى (ستامبۇل، 2003)، الەم كۋبوگىنىڭ كۇمىس جۇلدەگەرى (يران، 2005)، ازيا چەمپيوناتىنىڭ قولا جۇلدەگەرى (ۋحان، 2005)، وليمپيادا ويىندارىنىڭ 60 ك گ دەيىنگى سالماقتاعى قولا جۇلدەگەرى (بەيجىڭ، 2008).

 

سوڭعى جاڭالىقتار