ەلوردادا سپورت كۇنى اتالىپ وتىلەدى

مەرەكە قۇرمەتىنە استانادا 21 سپورتتىق شارا ۇيىمداستىرىلادى، سونىڭ ىشىندە كورنەكى قويىلىمدار، شەبەرلىك دارىستەرى، جارىستار مەن ت. ب. بار.
سپورتتىق مەرەكەنىڭ شىمىلدىعى 12 -تامىزدا «دۋمان» ويىن- ساۋىق ورتالىعىندا كوركەمدىك گيمناستيكامەن اشىلادى. جالپى، سپورت كەشەندەرىندە، سارايلار مەن كلۋبتاردا وتكىزىلەتىن جارىستاردا 4 مىڭعا جۋىق ادام باعىن سىناماق.
19 -تامىزدا عاشىقتار ساياباعىندا گىر كوتەرۋ، ارمرەستلينگ، اسىق اتۋدان بۇقارالىق سپورت جارىسى وتەدى. سونىمەن قاتار، كەلۋشىلەر تاەكۆوندو، كيوكۋشينكاي- كان كاراتە، بوديبيلدينگ جانە اۋىر اتلەتيكادان شەبەرلىك دارىستەرىنە قاتىسا الادى. Astana mall ساۋدا ويىن- ساۋىق ورتالىعىندا لاتىن امەريكالىق باعدارلاما بويىنشا ر ف تانىمال ءبيشى س. بەليايەۆ سپورتتىق ءبي بيلەۋدى ۇيرەتەدى.
بۇدان باسقا، مەرەكە اياسىندا ەڭبەك ۇجىمدارىنىڭ اراسىندا فۋتبول مەن شاعىن فۋتبولدان جارىستار مەن جولداستىق ماتچتار وتكىزىلەدى.
20 -تامىزدا شاڭعى- روللەرلىك تراسسانىڭ جانىندا «بالالار سپورتىنان وليمپيادالىق شىڭعا دەيىن» اكسياسى ۇيىمداستىرىلادى، وعان 200 ادام قاتىسادى دەپ كۇتىلۋدە.
ال 21 -تامىزدا سپورت مەرەكەسى ساعات 9.00 «داۋلەت» سپورت كومبيناتىندا اتالىپ وتىلەدى.
سونداي-اق، ساعات 14.00 «الاۋ» مۇز ايدىن سارايىندا الاۋپيادا، ساعات 9.00 «اكەم، انام جانە مەن - سپورتتىق وتباسى» ۇرانىمەن وتباسىلىق جارىس ۇيىمداستىرىلادى. كەلۋشىلەر سپورتتىق جارىستارعا قاتىسىپ، سىيلىققا كىشكەنتاي الاۋدىڭ جۇمساق ويىنشىعىن الادى.