وليمپيادانىڭ كۇمىس جۇلدەگەرى جازيرا جاپپارقۇل جەتى بالانىڭ كەنجەسى

استانا. قازاقپارات - بۇگىن برازيليانىڭ ريو- دە- جانەيرو قالاسىندا اۋىر اتلەتيكادان ايەلدەر اراسىنداعى 69 كەلىگە دەيىنگى سالماقتا جازيرا جاپپارقۇل قورجىنىنا ەكىنشى كۇمىس جۇلدەنى سىيلادى.
None
None

ول قوسسايىستىڭ قورىتىندىسى بويىنشا 259 كەلىنى باعىندىردى.

 جازيرا سەرپە كوتەرۋدە الدىمەن 140 كەلىگە تاپسىرىس بەردى. الايدا ونى باعىندىرا المادى. ەكىنشى مۇمكىندىگىندە ول وسى سالماققا قايتا ۇسىنىس بەرىپ، ەكىنشىسىندە ەركىن كوتەردى. ال ءۇشىنشى مۇمكىندىگىندە جازيرا جاپپارقۇل 144 كەلىنى باعىندىردى. قوس سايىستىڭ قورىتىندىسى بويىنشا جەرلەسىمىز 259 كەلىمەن ريو وليمپياداسىنىڭ كۇمىس جۇلدەگەرى جانە قازاق قىزدارىنان تۇڭعىش وليمپيادا جۇلدەگەرى اتاندى.

الەۋمەتتىك جەلىلەردە وسى جەڭىسپەن قازاقستاندىقتار ءبىر- ءبىرىن قۇتتىقتاپ، وعان قاتىستى ىزگى نيەتتەرىن جەتكىزدى.

شۋلاتىپ مىناۋ بايتاق ولكەمىزدى،

جەتكىزەر التىن - ارمان ەرتەڭ ىزگى.

تۇسىرمە ەندى ەشقاشان، تومەندەتپە،

كوتەرگەن ءوز قولىڭمەن ەڭسەمىزدى.

 

وتسە دە ءالى قانشا جىلدىڭ ءجۇزى،

ماڭگى ەستە قازاقتىڭ بۇل كۇمىس كۇزى.

وليمپيادا بيىگىن باعىندىرعان،

امان ءجۇر، قازاعىمنىڭ تۇڭعىش قىزى، دەپ اقىن ۇلاربەك نۇرعالىم ۇلى جازيراعا ولەڭ ارنادى.

«قازاقپارات» ح ا ءا قۇتتىقتاۋلارعا قوسىلا وتىرىپ، بۇگىنگى كۇننىڭ باتىر قىزى جايلى قىسقاشا مالىمەتتەردى نازارلارىڭىزعا ۇسىنادى.

جازيرا جاپپارقۇل 1993 -جىلى 22 - جەلتوقساندا وڭتۇستىك قازاقستان وبلىسى، ارىس قالاسىندا دۇنيەگە كەلگەن. جازيرا ءۇيدىڭ كەنجەسى، الدىندا التى اپكەسى بار.

م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ «دەنە شىنىقتىرۋ جانە سپورت» فاكۋلتەتىنىڭ ستۋدەنتى.

 ول جەتى ايلىق بولىپ، ەكى كەلى عانا سالماقپەن دۇنيەگە كەلگەن. جازيرانىڭ سپورتتاعى تۇڭعىش جاتتىقتىرۋشىسى دەنە شىنىقتىرۋ پانىنەن ساباق بەرگەن ءارى سپورتتىڭ وسى تۇرىنە الىپ كەلگەن - دۇيسەنبەك قۇرمانوۆ. ول العاش رەت جاتتىعۋ زالىنا سەگىز جاسىندا كەلگەن.

اۋىر اتلەتيكانى تاڭداعان جازيراعا اتا- اناسى ءابدىراحمان مەن كۇلايحان جانە قارسىلىق تانىتقان. ءتىپتى «اۋىر اتلەتيكا قىز بالاسىنا ءتان ەمەس» دەپ تە تالاي كەڭەس بەرگەن ولار جازيرانىڭ بۇل قىلىعىن بالالىققا بالاپ، ۋاقىتى كەلگەندە سپورتتىڭ بۇل تۇرىنەن قول ۇزەدى دەپ سەنگەن. ءتىپتى جاتتىعۋعا جىبەرمەي قويعاندا ول تەرەزەدەن شىعىپ قاشىپ كەتەتىن بولعان.

جازيرا جاپپارقۇل العاشقى حالىقارالىق جۇلدەسىن 2010 -جىلى سينگاپۋردە وتكەن جاسوپىرىمدەر اراسىنداعى جازعى وليمپيادادا الدى. ول بۇل جارىستا 63 كيلوگرام سالماق دارەجەسى بويىنشا التىن مەدال يەلەندى. 2012 -جىلى گۆاتەمالادا وتكەن جاسوسپىرىمدەر اراسىنداعى الەم بىرىنشىلىگىندە دە چەمپيون اتاندى.

 2013 -جىلى ميانماداعى جاستار اراسىنداعى ازيا چەمپيوناتىندا 20 جاستاعى جازيرا شتانگانى جۇلقا جانە سەرپە كوتەرۋدە 232 كەلىنى باعىندىرىپ، كۇمىس مەدال الدى.

2014 -جىلى الماتىداعى الەم چەمپيوناتىندا، 69 كەلى سالماق دارەجەسىندە 262 كەلى ناتيجەمەن كۇمىس مەدال الدى.

2015 -جىلى ا ق ش- تىڭ حيۋستون قالاسىندا وتكەن اۋىر اتلەتيكادان الەم چەمپيوناتىندا 69 كەلىگە دەيىنگى سالماقتا جازيرا جاپپارقۇل جۇلقا كوتەرۋ سايىسىندا 116 كەلىنى باعىندىرىپ، ءتورتىنشى ورىنعا تابان تىرەدى. قوس سايىستىڭ ناتيجەسىندە 256 ۇپاي جيناعان جازيرا الەم چەمپيوناتىنىڭ كۇمىس جۇلدەگەرى اتاندى. الەم چەمپيونى اتاعى ەكى سايىستا 263 كەلى كوتەرگەن قىتايلىق سيان يانمەيگە بۇيىرسا، رەسەيلىك اناستاسيا رومانوۆا قولا مەدالدى قاناعات تۇتتى.

وسى جولى «حالىقارالىق اۋىر اتلەتيكا فەدەراتسياسى سايتى جازيرا جاپپارقۇلدى «اۋىر اتلەتيكادان الەم چەمپيوناتىندا جۇلدە العان العاشقى قازاق قىزى» دەپ جازدى.

 سپورتشىنىڭ وليمپياداعا جاتتىعۋى بارىسىنلا اۋىر اتلەتيكادان قازاقستان قۇراماسىنىڭ باس باپكەرى الەكسەي ني: «جاپپارقۇل - قازاقستان اۋىر اتلەتيكا مەكتەبىنىڭ تۇلەگى. ونىڭ الەم چەمپيوناتىنداعى كۇمىس جۇلدەسىن وليمپيادادا التىنعا اۋىستىرۋعا مۇمكىندىگى بار»، دەپ مالىمدەدى.

«ەندى تەك وليمپياداعا دايىندالىپ، جانكۇيەر ءۇمىتىن اقتاۋىم كەرەك. ارمانىم - قىزدار اراسىندا قازاقتان شىققان تۇڭعىش وليمپيادا چەمپيونى بولۋ»، - دەدى جازيرا جاپپارقۇل جىل باسىنداعى سۇحباتتارىنىڭ بىرىندە.



2015 - اۋىر اتلەتيكادان الەم بىرىنشىلىگىندەگى جازيرانىڭ جەتىستىگى  

سوڭعى جاڭالىقتار