نيدجات راحيموۆ قازاقستان قورجىنىنا العاشقى التىندى سالدى

بۇل تۋرالى ريوداعى قازاقپارات ءتىلشىسى حابارلادى.
نيدجات جۇلقا كوتەرۋ سايىسىن 165 كەلىمەن ءۇشىنشى بولىپ اياقتاعان ەدى. ال قارسىلاسى وسى سايىستا 177 كەلى زىلتەمىردى كوتەرىپ، جەرلەسىمىزدەن 12 كەلىگە اسىپ كەتكەن بولاتىن.
الايدا، سەرپە كوتەرۋدە قازاقستاندىق سپورتشىنىڭ جۇلدىزى جانىپ، 214 كەلىنى باسىنان اسىرىپ، باستى قارسىلاسىنان ريو وليمپياداسىنىڭ التىنىن تارتىپ الدى. ءسويتىپ، قوس سايىستىڭ قورىتىندىسى بويىنشا 379 (165+214) كەلى ناتيجە كورسەتتى.
قىتايلىق ليۋي سياوتسزيۋن 202 كەلىدەن ارتىق كوتەرە المادى.
ەستەرىڭىزگە سالا كەتەيىك، وسىدان ءبىر ساعات بۇرىن ريو- دە- جانەيرودا ءوتىپ جاتقان 31- وليمپيادا ويىندارىندا جازيرا جاپپارقۇل قازاق قىزدارىنان تۇڭعىش بولىپ وليمپيادا ويىندارىنىڭ كۇمىس جۇلدەگەرى اتاندى. بارشا الاشتىڭ ارمانىن ورىنداعان قاراكوز قارىنداسىمىزعا الاش جۇرتى اق تىلەكتەرىن جاۋدىردى.
وسىلايشا بۇگىن قازاقستان قورجىنىنا ءبىر التىن، ءبىر كۇمىس مەدال ءتۇستى.
اۆتور: كۇنسۇلتان وتارباي