ءىرى كولەمدە قارجى ۇرلاۋمەن اينالىسقان ق ر قورعانىس جانە قارجى مينيسترلىكتەرىنىڭ شەنەۋنىكتەرى ۇستالدى

ق ر ۇ ق ك باسپا ءسوز قىزمەتىنىڭ حابارلاۋىنشا، جەدەل- ىزدەۋ ءىس- شارالارى بارىسىندا ق ر ق ك ماتەريالدىق- تەحنيكالىق قامتاماسىز ەتۋ باس باسقارماسى باستىعىنىڭ ورىنباسارى پودپولكوۆنيك ت. جۇمقازيەۆتىڭ قورعانىس مينيسترلىگى مەن قارجى مينيسترلىگىنىڭ لاۋازىمدى تۇلعالارى جانە بىرنەشە ءوزارا ۇلەستەس كوممەرتسيالىق قۇرىلىم باسشىلارى تارتىلعان سىبايلاس جەمقورلىق سحەماسىن ۇيىمداستىرعاندىعى انىقتالدى.
قورعانىس ۆەدومستۆوسىنىڭ كونكۋرستىق كوميسسياسىنىڭ ءتوراعاسى بولعان ت. جۇمقازيەۆ اتالعان كاسىپكەرلەر مۇددەلەرىنە ىقپالداستىق ەتكەن، ءوزىنىڭ زاڭعا قايشى ارەكەتتەرىن جاسىرۋ ءۇشىن قورعانىس مينيسترلىگى مەن قارجى مينيسترلىكتەرى ورگاندارى باقىلاۋشى لاۋازىمدى تۇلعالارىنىڭ مۇمكىندىكتەرىن قولدانعان.
8- تامىزدا پودپولكوۆنيك ت. جۇمقازيەۆ 20 ميلليون تەڭگە پارا الىپ جاتقان جەرىندە ۇلتتىق قاۋىپسىزدىك كوميتەتى اسكەري قارسى بارلاۋ دەپارتامەنتىنىڭ قىزمەتكەرلەرىمەن ۇستالدى.
قوزعالعان قىلمىستىق ءىس شەڭبەرىندە قورعانىس جانە قارجى مينيسترلىكتەرىنىڭ 5 لاۋازىمدى تۇلعاسى، ج ش س 4 باسشىسى ۇستالدى. ەداۋىر كولەمدە وتاندىق جانە شەتەلدىك ۆاليۋتا الىندى.
اتالعان قىلمىستىق سحەماعا ءبىرتالاي وزگە دە مەملەكەتتىك ورگاندار لاۋازىمدى تۇلعالارىنىڭ جانە كوممەرتسيالىق كاسىپورىنداردىڭ قاتىستىلىعى تەكسەرىلۋدە.
جەدەل- تەكسەرۋ ءىس- شارالارى جالعاسۋدا، ولاردىڭ ناتيجەلەرى قوسىمشا حابارلاناتىن بولادى.