نۇرلى جولعا بولىنگەن قارجى يگەرىلمەگەن جاعدايدا اكىم ورىنباسارلارىنىڭ جاۋاپكەرشىلىگى قارالادى

«اكىمدەردىڭ نازارىن بولىنگەن قارجىنىڭ تولىق جانە ۋاقىتىلى يگەرىلۋى ماسەلەسىنە اۋدارامىن. اتاپ ايتقاندا، بۇل اكىمدەردىڭ جانە بيۋدجەتتىك باعدارلامالار اكىمشىلەرىنىڭ جەكەلەي جاۋاپكەرشىلىگى.
بۇگىنگى تالقىلاۋدان بايقالعانى، قازىرگى كەزدە جۇرگىزىلىپ جاتقان جۇمىس ءتيىستى كولەمدە اتقارىلىپ وتىرعان جوق. سوندىقتان ق ر ۇلتتىق ەكونوميكا مينيسترلىگىنە وڭىرلەردە بولىنگەن قارجىنىڭ يگەرىلۋى جاعدايىنا تالداۋ جاساپ، وسى ماسەلە بويىنشا جەتەكشىلىك ەتەتىن اكىمدەر ورىنباسارلارىنىڭ جاۋاپكەرشىلىگىن قاراستىرۋ تۇرعىسىندا ۇسىنىستار ەنگىزۋدى تاپسىرامىن.
سونىمەن قاتار ك. ءماسىموۆ «بايتەرەك» حولدينگى مەن «سامۇرىق- قازىنا» قورىنا كەلىسىمشارت جاسالعان قاراجاتتىڭ يگەرىلۋىن جانە جوسپارلانعان باسپانانى پايدالانۋعا بەرۋدى قامتاماسىز ەتۋدى جۇكتەدى.
«استانا مەن الماتى، وبلىس اكىمدەرى ءبىلىم بەرۋ نىساندارى قۇرىلىسىنا ەسكەرىلگەن قارجىنى دەر كەزىندە جانە ءتيىستى دەڭگەيدە يگەرىلۋىن، سونداي- اق ولاردىڭ پايدالانۋعا بەرۋىن قامتاماسىز ەتۋى ءتيىس. ال بيۋدجەتتىك باعدارلامالار اكىمشىلەرى بولىنگەن قارجىنىڭ يگەرىلۋىنە اپتا سايىن مونيتورينگتى جۇرگىزىپ، اي سايىنعى نەگىزدە اتقارىلعان جۇمىس تۇرعىسىندا ۇلتتىق ەكونوميكا مينيسترلىگىن اقپاراتتاندىرۋى كەرەك. مەن بۇل باعدارلامانى اي سايىنعى تارتىپتە قاراستىراتىن بولامىن، ياعني ۇكىمەت وتىرىسىنا شىعارىلادى. ال باقىتجان ءابدىر ۇلىنا (پرەمەر- ءمينيستردىڭ ءبىرىنشى ورىنباسارى باقىتجان ساعىنتايەۆ - اگەنتتىك) ءاربىر ەكى اپتادا قاراستىرۋدى تاپسىرامىن»، - دەدى ۇكىمەت باسشىسى.
اكىمدىكتەرگە «نۇرلى جول» باعدارلاماسى بويىنشا قاراجاتتاردى ۋاقتىلى يگەرۋدى قامتاماسىز ەتۋ ءۇشىن كونكۋرستىق راسىمدەردى جىلدامداتۋ قاجەت. بۇل تۋرالى بۇگىن ۇكىمەت وتىرىسىندا قر ۇەم ۆيتسە- ءمينيسترى مارات قۇسايىنوۆ ءمالىم ەتتى.
«2016 - جىلى «نۇرلى جول» مەملەكەتتىك باعدارلاماسىن ىسكە اسىرۋعا ق ر ۇلتتىق قورىنان 769,6 ميلليارد تەڭگە كوزدەلىپ، ونىڭ ىشىندە نىسانالى ترانسفەرتتەر تۇرىندە 503,4 ميلليارد تەڭگە جانە ۇلتتىق حولدينگتەردىڭ وبليگاتسيالىق زاەمدارى ارقىلى 266,2 ميلليارد تەڭگە كوزدەلدى. مەملەكەتتىك باعدارلاما شەڭبەرىندە بولىنگەن ۇلتتىق قور قاراجاتتارىن يگەرۋ قارجىلاندىرۋ جوسپارىنا سايكەس جوسپارلانعان كولەمدە، ءبىراز ارتتا قالۋمەن جۇزەگە اسىرىلۋدا.
اعىمداعى جىلدىڭ 8-ايىندا نىسانالى ترانسفەرتتەر بويىنشا قاراجاتتى 100 پايىز يگەرۋ ماقساتىندا بيۋدجەتتىك باعدارلامالار اكىمشىلەرى مەن وڭىرلەر اكىمدىكتەرىنە جوسپارلانعان كونكۋرستىق راسىمدەردىڭ ىسكە اسىرىلۋىن جىلدامداتۋ جانە بولىنگەن قاراجاتتى ۋاقتىلى يگەرۋدى قامتاماسىز ەتۋ قاجەت»، - دەدى ول.
ونىڭ ايتۋىنشا، بۇگىنگى تاڭدا نىسانالى ترانسفەرتتەر بويىنشا يگەرۋ 236,4 ميلليارد تەڭگەنى نەمەسە جىلدىق جوسپاردىڭ % 47- ىن قۇراپ وتىر.
كونكۋرستىق راسىمدەردىڭ اياقتالماۋىنا جانە جۇمىس جۇرگىزۋ كەستەسىنەن كەشىكتىرۋگە بايلانىستى 8 وڭىردە: قوستاناي، الماتى، جامبىل، باتىس قازاقستان، سولتۇستىك قازاقستان، وڭتۇستىك قازاقستان وبلىستارىندا، استانا جانە الماتى قالالارىندا جوسپارلى كورسەتكىشتەردەن كەشىگۋ بايقالىپ وتىر. اكىمدىكتەردىڭ اقپاراتى بويىنشا قاراجاتتى يگەرۋ كەستەسىنەن كەشىگۋ اعىمداعى جىلعى 1 - قىركۇيەككە دەيىن جويىلاتىن بولادى.
اۆتور: رۋسلان عابباسوۆ