ق ر اقپارات مينيسترلىگى سمارتفونداعى جاڭا شىققان ويىنعا قازاقستاندا تىيىم سالۋ مۇمكىندىگى بويىنشا تۇسىنىكتەمە بەردى

استانا. قازاقپارات - ق ر اقپارات جانە كوممۋنيكاتسيالار مينيسترلىگى Pokemon Go ويىنىنا قازاقستاندا تىيىم سالىنۋ ىقتيمالدىعىنا قاتىستى تۇسىنىكتەمە بەردى.
None
None

اتالعان ويىنعا كەيبىر ەلدەردە قاۋىپسىزدىك ماسەلەسىنە بايلانىستى شەكتەۋ ەنگىزىلگەندىكتەن، «قازاقپارات» اگەنتتىگى ۆەدومستۆوعا ءتيىستى سۇراۋ جولداعان بولاتىن.

«ق ر اقپارات جانە كوممۋنيكاتسيالار مينيسترلىگى بايلانىس، اقپاراتتاندىرۋ جانە بۇقارالىق اقپارات قۇرالدارى سالاسىنداعى مەملەكەتتىك باقىلاۋ كوميتەتى قازاقستان رەسپۋبليكاسى اۋماعىندا Pokemon Go ويىنى پايدالانۋىنا شەكتەۋدى قاراستىرمايدى»، - دەپ اتاپ وتىلگەن رەسمي جاۋاپتا.

وسى رەتتە اتالعان ويىنعا كوميتەت بەيتاراپ قارايتىندىعى، قازاقستان رەسپۋبليكاسى زاڭدارىن بۇزعان جاعدايدا، ولاردى جويۋ ءۇشىن كوميتەتپەن شارا قولدانىلاتىنى اتاپ وتىلگەن.

«قازىرگى تاڭدا، كوميتەت ويىندارعا شەكتەۋ قويعان جوق. Pokemon Go، باسقا دا قوسىمشالار سياقتى بەلگىلى شامادا قاۋىپسىزدىككە قاتەر توندىرەدى»، - دەيدى مينيسترلىك وكىلدەرى.

ايتا كەتەيىك، اتالعان ويىنعا يراندا، سونداي-اق مۇسىلماندار ءۇشىن مالايزيادا تىيىم سالىنعان بولاتىن. رەسەيدە ءدىني عۇرىپتار نىساندارىندا، بەيىتتەردە، ەسكەرتكىش ورىندارىندا ويىنداعى پوكەمونداردى (قۇبىجىق) اۋلاۋعا شەكتەۋ ەنگىزۋ تۋرالى ۇسىنىس جاسالۋدا. Pokemon Go ويىنىنىڭ نەگىزگى ماقساتى - ادامدار كوشە كەزىپ، ۆيرتۋالدى تۇردە مۋلت قۇبىجىقتاردى اۋلايدى. قازاقستاندا اتالعان ويىن رەسمي تۇردە شىقپاسا دا، ويىنعا قىزىعۋشىلىق تانىتقاندار جەلىدە تىركەلۋدىڭ ءتاسىلىن تاۋىپ، ويىنشىلاردىڭ سانى كۇن سايىن ارتىپ كەلەدى.

اتالمىش ويىندا ومىردەگى ناقتى جاعداي مەن ۆيرتۋالدى كورىنىس بىرىكتىرىلىپ وتىر. ادامدار قۇبىجىقتاردى سمارتفوننىڭ بەينە كامەراسى ارقىلى قاراپ، كەيىننەن اۋلاۋعا كىرىسەدى. وسى رەتتە باعدارلاما پوكەمونداردىڭ بەينەسىن قورشاعان ورتاداعى لاندشافتا ورنالاستىرادى. بۇدان كەيىن ويىنشى ەكران سەنسورىنداعى قوسىمشالارمەن قۇبىجىقتاردى ۇستاپ الۋى كەرەك.

جاھاندىق جەلىنى پايدالانۋشىلار تاراپىنان بۇل ويىن ۇلتتىق قاۋىپسىزدىككە قاتەر تۋدىراتىنىن، ياعني ويىنشىلار جەرگىلىكتى جەرلەردىڭ سۋرەتىن ءتۇسىرىپ، ادامداردىڭ جۇرگەن جەرى مەن ءاربىر نىسان تۋرالى ناقتى اقپارات بەرۋگە جول اشىپ وتىرعاندىعىن اتاپ وتۋدە.

اۆتور: رۋسلان عابباسوۆ

 

سوڭعى جاڭالىقتار