كارينا گوريچەۆا: مويىنىما وليمپيادا مەدالىن ىلگەندە بارلىق اۋىرتپالىقتاردى ۇمىتىپ كەتتىم

ريو- دە- جانەيرو. قازاقپارات - كارينا گوريچەۆا جەڭىسىنەن كەيىنگى اسەرىمەن ءبولىستى، دەپ حابارلادى ريوداعى قازاقپارات ءتىلشىسى.
None
None

بۇگىن قازاقستان قورجىنىنا ءۇشىنشى قولا مەلالدى سىيلاعان اۋىراتلەت ارۋىمىز جەڭىسىنەن كەيىن، قازاقستاندىق تىلشىلەرگە سۇحبات بەرىپ، اسەرىمەن ءبولىستى.

ول تىلشىلەرگە بەرگەن سۇحباتىندا العاشقى وليمپيادادا جۇلدەگەر اتانعانىنا قاتتى قۋانىشتى ەكەنىن ايتىپ بەردى.

«ءدال بۇگىنگىدەي قۋانىپ كورگەن جوق شىعارمىن. قازىر قۋانىشىمدا شەك جوق»، - دەپ اتاپ ءوتتى.

سونداي- اق، ءوزىنىڭ جارىستاعى كوتەرگەن سالماعىنا كوڭىلى تولمايتىنىن دا ايتتى.

«بۇگىن جارىستا جاتتىعۋ كەزىندەگى وپ- وڭاي كوتەرىپ جۇرگەن سالماقتى كوتەرە المادىم. وليمپيادانىڭ اۋا رايى بولەك ەكەن. ازداپ قوبالجىدىم. سودان بولار، ويلاعان سالماقتى ەڭسەرە المادىم. ءار جارىس جاۋاپكەرشىلىكتى تالاپ ەتەدى. ءبىراق، وليمپيادانىڭ جاۋاپكەرشىلىگى ودان دا كۇشتى ەكەنىن بايقادىم. وليمپيادا مەدالىن مويىنىما ىلگەندە، وسى كۇنگە دەيىنگى بولعان بار اۋىر كۇندەرىمدى، اۋىر جاتتىعۋلارىمدى، ءتىپتى جارىستاردا، جاتتىعۋلاردا العان جاراقاتتارىمدى دا ۇمىتىپ كەتتىم. بۇل مەدال مەنىڭ عانا ەمەس، ەلىمىزدىڭ مەدالى»، - دەپ اتاپ ءوتتى ريو وليمپياداسىنىڭ قولا جۇلدەگەرى گوريچەۆا.

سونىمەن بىرگە ءوزىن قولداعان جانكۇيەرلەرىنە دە قاتتى رازى بولعانىن ايتتى.

«مەن جارىسقا شىققاندا قازاقستاندىق جانكۇيەرلەر كوپ بولدى. مەنى قولداپ، ايعايلادى. وسىنداي قولداۋ جاساعان ريوداعى جانە ەلىمىزدەگى بارلىق جانكۇيەرلەرگە العىسىم شەكسىز»، - دەدى گوريچەۆا.

ول بولاشاق جوسپارلارىمەن دە ءبولىسۋدى ەسىنەن شىعارعان جوق.

«ەندى ەلگە امان- ەسەن جەتكەن سوڭ، قاڭتار ايىنا دەيىن وتباسىممەن بىرگە دەمالامىن. وسى ۇزىلىستەن كەيىن جاڭا 69 كەلى سالماققا اۋىسىپ، جاتتىعۋعا قايتا كىرىسەتىن بولام»، - دەدى بۇگىن قازاقستان قورجىنىنا ءتورتىنشى مەدالدى سىيلاعان ارۋىمىز.

اۆتور: كۇنسۇلتان وتارباي

سوڭعى جاڭالىقتار