كارىم ءماسىموۆ ق ر مينيسترلەر كابينەتىندەگى مىندەتتەمەلەردى ءبولدى

استانا. قازاقپارات - ق ر پرەمەر- ءمينيسترى كارىم ءماسىموۆ «قازاقستان رەسپۋبليكاسى پرەمەر- ءمينيسترى، پرەمەر- ءمينيستردىڭ ورىنباسارلارى جانە پرەمەر- ءمينيسترى كەڭسەسىنىڭ باسشىسى اراسىنداعى مىندەتتەمەلەردى ءبولۋ تۋرالى» وكىمگە قول قويدى.
None
None

بۇل تۋرالى ۇكىمەت باسشىسىنىڭ باسپا ءسوز قىزمەتى حابارلادى.

قۇجاتقا سايكەس پرەمەر- مينيستر جەتەكشىلىگىنە ەكونوميكالىق، قارجى، فيسكالدىق، كەدەن ساياساتى، مەملەكەتتىك بيۋدجەت، مەملەكەتارالىق قاتىناستار مەن حالىقارالىق ىنتىماقتاستىق ماسەلەلەرى، شەتەل ينۆەستيتسياسىن تارتۋ جانە ينۆەستيتسيالىق كليماتتى جاقسارتۋ جانە ت. ب. كىرەدى.

ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆتىڭ مىندەتىنە ەكونوميكا مەن وڭىرلىك ساياساتتى جەدەل باسقارۋ، قورشاعان ورتانى قورعاۋ، تابيعي رەسۋرستاردى پايدالانۋ، قۇرىلىستى جانە تكش دامىتۋ ماسەلەلەرى ەنگىزىلدى. سونداي-اق ءبىرىنشى ۆيتسە- پرەمەر توتەنشە جاعداي جانە جۇمىلدىرۋ جۇمىستارى، قورعانىس- ونەركاسىپتىك كەشەندى، شاعىن جانە ورتا كاسىپكەرلىكتى دامىتۋ، جىلىتۋ ماۋسىمدارىنا دايىندالۋعا جانە وتكەرۋگە، «ەكسپو-2017» حالىقارالىق مامانداندىرىلعان كورمەگە جانە ت. ب. جەتەكشىلىك ەتەدى.

ق ر پرەمەر- ءمينيسترىنىڭ ورىنباسارى داريعا نازاربايەۆاعا ءبىلىم جانە عىلىم، دەنساۋلىق ساقتاۋ، الەۋمەتتىك جاڭعىرتۋ، الەۋمەتتىك ساياسات، جۇمىسپەن قامتۋ، ءدىن، اقپارات، سپورتتى، مادەنيەتتى دامىتۋ جانە ت. ب. بەكىتىلدى.

پرەمەر- ءمينيستردىڭ ورىنباسارى - ق ر اۋىل شارۋاشىلىعى ءمينيسترى اسقار مىرزاحمەتوۆ اگروونەركاسىپتىك كەشەن، جەر قاتىناستارى، سۋ رەسۋرستارى، ورمان شارۋاشىلىعى، جانۋارلار الەمى جانە ت. ب. ماسەلەلەرگە جەتەكشىلىك ەتەدى.

ق ر پرەمەر- ءمينيسترى كەڭسەسىنىڭ باسشىسى ەرلان قوشانوۆ اقپاراتتىق- تالداۋ، قۇقىقتىق، ۇيىمداستىرۋشىلىق، حاتتامالىق، قۇجاتتامالىق ماتەريالدىق- تەحنيكالىق جانە ت. ب. قامتاماسىز ەتۋ ماسەلەلەرىن شەشۋدى جۇزەگە اسىرادى.

سونداي- اق ق ر پرەمەر- ءمينيسترى كەڭسەسىنىڭ باسشىسى ۇكىمەت شەشىمدەرىن دايىنداۋ، ولاردى ورىنداۋدى ۇيىمداستىرۋ بولىگىندە، مەملەكەتتىك جانە ورىنداۋشىلىق ءتارتىپتى ساقتاۋ، مەملەكەتتىك قۇپيالاردى قورعاۋ جانە اقپاراتتىق قاۋىپسىزدىكتى قامتاماسىز ەتۋ ماسەلەلەرى بويىنشا ورتالىق جانە جەرگىلىكتى اتقارۋشى ورگانداردىڭ قىزمەتىن ۇيلەستىرەدى.

وكىمدە مينيسترلەر ولار باسقارىپ وتىرعان مەملەكەتتىك ورگانداردىڭ ناتيجەگە باعدارلانعان قازاقستان رەسپۋبليكاسى مەملەكەتتىك جوسپارلاۋ جۇيەسىنە سايكەس ستراتەگيالىق باسىمدىقتار مەن قۇجاتتاردى ىسكە اسىرۋ بويىنشا قىزمەتتەرىنە دەربەس جاۋاپتى بولاتىنى بەلگىلەنگەن.

 

سوڭعى جاڭالىقتار