كامچاتكادا تۋريستەر سيرەك كەزدەسەتىن ەرەكشە ءتۇستى ايۋ تابىلدى

جەلىدە كامچاتكادا بىسترايا وزەنىنە سۋعا تۇسۋگە كەلگەن تۋريستەر ەكى قونجىعىن ەرتىپ (بىرەۋىنىڭ ءتۇسى اپپاق ەكىنشىسى قوڭىر) بارا جاتقان كىرەكەيدى (ايۋدىڭ انالىعى) تۇسىرگەن سۋرەتتەر مەن ۆيدەوروليكتەر پايدا بولدى، دەپ حابارلايدى رەسەيلىك ت ا س س اگەنتتىگى.
«مەن 40 جىلدان بەرى قورىقتا ايۋلاردى باقىلاۋشى بولىپ جۇمىس ىستەيمىن. مۇنداي ءتۇستى ايۋدى العاش كورۋىم. ول البينوس ەمەس، ارينە، سەبەبى ونىڭ مۇرنىنىڭ ءتۇسى قىزعىلت ەمەس، قارا. ءوزى اپپاق»، - دەدى كرونوتسكي قورىعىنىڭ اعا عىلىمي قىزمەتكەرى الەكساندر نيكانوروۆ.
عالىمنىڭ ايتۋىنشا، ايۋدىڭ جاسى ۇشكە تولعان. ول جۋىردا جەكە كەتىپ، ءوز ۇرپاعىن كوبەيتۋگە كىرىسەدى، ونىڭ ەرەكشە اق ءتۇسى ۇرپاقتارىندا جالعاسۋى مۇمكىن.
بۇل ولكەدە اركتيكانىڭ اق ايۋى دا كەزدەسەدى، الايدا تۋريستەر بۇل جولى سيرەك ءتۇستى قوڭىر ايۋدى جولىقتىردى. ادەتتە كامچاتكاداعى قوڭىر ايۋلار ءتۇسى قوڭىر نەمەسە اشىق سارعىلت رەڭكتە بولادى.
Коллеги ходили на сплав по реке Быстрая и встретили вот такое чудо! Мишка-альбинос #медведь #камчатка #туризм #путешествие #bear #kamchatka #tourism #travel