جانىبەك ءالىمحان ۇلى دا العاشقى جەكپە- جەگىن جەڭىسپەن باستادى

ريو- دە- جانەيرو. قازاقپارات - جانىبەك ءالىمحان ۇلى دا العاشقى جەكپە- جەگىن جەڭىسپەن باستادى، دەپ حابارلايدى ريودا جۇرگەن قازاقپارات ءتىلشىسى.
None
None

75 كەلى سالماقتا ەل نامىسىن قورعاپ جاتقان قازاق بوكسشىسى جانىبەك ءالىمحان ۇلى ۇلى بريتانيالىق ەنتوني فاۋلەرمەن جۇدىرىقتاستى. ناتيجەسىندە ايقىن باسىمدىلىقپەن ۇتىپ كەلەسى كەزەڭگە جولداما الدى.

 جانىبەك ءبىرىنشى راۋندتا قارسىلاسىمەن تەڭ دارەجەدە ونەر كورسەتكەندەي بولدى. ال ەكىنشى راۋندتا تىزگىندى تولىقتاي ءوز قولىنا الدى. ەنتوني ەكىنشى راۋندىدا ءبىر رەت نوكداۋنعا جىبەرىلدى. ال ءۇشىنشى راۋندىدا دا قازاق بوكسشىسى قارسىلاسىن ويناپ ءجۇرىپ سوققىنىڭ استىنا الدى. ناتيجەسىندە جانىبەك ءالىمحان ۇلى شيرەك فينالعا جولداما الدى.

وسىعان دەيىن ءبىرجان جاقىپوۆ قارسىلاسىن ايقىن باسىمدىقپەن ۇتىپ، ول دا شيرەك فينالعا وتكەن بولاتىن.

ەستەرىڭىزگە سالا كەتەيىك، جانىبەك 2012 - جىلى قازاقستان بىرىنشىلىگىندە جارق ەتىپ كوزگە ءتۇسىپ، 2013 -جىلى الماتىدا وتكەن بوكستان الەم بىرىنشىلىگىندە الەم چەمپيونى اتاندى. سەرىك ساپيەۆ العاش رەت الەم چەمپيوناتىندا توپ جارعاندا 22 جاستا بولاتىن. ال بۇگىنگى الەمدى اۋىزىنا قاراتىپ جۇرگەن گەننادي گولوۆكين مەن ەردوس جاڭابەرگەنوۆ 21 جاستارىندا الەم چەمپيونى اتاندى. ال جانىبەك 20 جاسىندا الەم چەمپيونى اتاعىنا قول جەتكىزدى. ال ءبىزدىڭ بەكزات ساتتارحانوۆ باتىرىمىز وسى جانىبەكتىڭ جاسىندا وليمپيادا شىڭىن باعىندىرعان بولاتىن. بيىل جانىبەك باۋىرىمىز تۋرا 23 جاستا. ناعىز وت بولىپ جاناتىن شاعى. ريودا قازاقتىڭ بايراعىن جەلبىرەتىپ قايتادى دەگەن ۇمىتتەمىز...

جانىبەك ءالىمحان ۇلى

تۋعان كۇنى: 01.04.1993

تۋعان جەرى: الماتى وبلىسى الاكول اۋدانىنىڭ جىلاندى اۋىلىندا دۇنيەگە كەلگەن. 8 جاسىنان باستاپ بوكسپەن شۇعىلدانادى.

بويى: 179 س م

سالماعى: 75 ك گ

جەتىستىكتەرى: حالىقارالىق دارەجەدەگى سپورت شەبەرى، الماتىدا وتكەن اۋەسقوي بوكستان الەم چەمپيوناتىنىڭ جەڭىمپازى، ينچحونداعى ازيا ويىندارىنىڭ جەڭىمپازى، امماندا وتكەن بوكستان ازيا چەمپيوناتىنىڭ جەڭىمپازى.

اۆتور: كۇنسۇلتان وتارباي

سوڭعى جاڭالىقتار