18:05, 08 - تامىز 2016 | GMT +5
ريودا جانكۇيەرلەر رەسەيلىك سپورتشىلارعا قىسىم كورسەتىپ جاتىر
استانا. قازاقپارات - ريو وليمپياداسىندا ونەر كورسەتىپ جاتقان رەسەيلىك سپورتشىلار جانكۇيەرلەر تاراپىنان قىسىم كورۋدە دەپ جازادى rsport.ru سايتىنا سىلتەمە جاساعان NUR. KZ پورتالى.
ماسەلەن، 100 مەترگە براسس ادىسىمەن جۇزەتىن يۋليا ەفيموۆا باسسەينگە جاقىنداعاندا، جانكۇيەرلەر سپورتشىنى كەلەكە ەتىپ، ىسقىرا باستادى. ەفيموۆا بۇدان بۇرىن دا دوپينگ قابىلداعانى ءۇشىن سپورتتان شەتتەتىلگەن بولاتىن.
ودان بولەك، جۇزۋدەن ەرلەر اراسىنداعى ەستافەتاعا قاتىسقان رەسەي قۇراماسىن دا جانكۇيەرلەر ىسقىرىپ قارسى الدى.
مۇنىڭ بارلىعى رەسەي قۇراماسىنىڭ دوپينگ داۋىنا ءجيى ۇشىراۋىنا بايلانىستى ەكەنى ءسوزسىز.
