داريعا نازاربايەۆا: ءبىلىم بەرۋ نىساندارى قۇرىلىسى كەزىندە قاراجاتتى يگەرۋ ۋاقتىلى جۇزەگە اسۋى ءتيىس

اعىمداعى جىلى ۇلتتىق قور قاراجاتى ەسەبىنەن ءبىلىم بەرۋ نىساندارىنىڭ قۇرىلىسىنا 57 ميلليارد تەڭگە ءبولىندى، ونىڭ اياسىندا 96 نىساننىڭ قۇرىلىسى جۇرگىزىلىپ جاتىر، ولاردىڭ ىشىندە - 51,2 ميلليارد تەڭگە سوماعا 77 مەكتەپ، سونداي- اق 6,7 ميلليارد تەڭگە سوماعا 19 بالاباقشا سالۋ كوزدەلگەن.
كەڭەس بارىسىندا ق ر ءبىلىم جانە عىلىم ۆيتسە- ءمينيسترى بيبىگۇل اسىلوۆا 1 -تامىزداعى جاعداي بويىنشا جەرگىلىكتى اتقارۋشى ورگاندارعا 26,9 ميلليارد تەڭگە - جىلدىق
جوسپاردىڭ %46 اۋدارىلعانىن مالىمدەدى.
ۆيتسە- مينيستر 21 ءبىلىم بەرۋ نىسانى پايدالانۋعا بەرىلگەنىن ايتىپ ءوتتى، ونىڭ ىشىندە 13 مەكتەپ ( قىزىلوردا وبلىسىندا - 2، و ق و- دا - 7، اقتوبە، شىعىس قازاقستان جانە ماڭعىستاۋ، سولتۇستىك قازاقستان وبلىستارىندا - 1 مەكتەپتەن)، سونداي-اق 8 بالاباقشا (الماتى وبلىسىندا - 2، قاراعاندى، ماڭعىستاۋ وبلىستارىندا، س ق و- دا، و ق و- دا، الماتى قالاسىندا - 1 نىساننان).
«جەدەل مالىمەتتەرگە سايكەس 23,7 ميلليارد تەڭگە نەمەسە قارجىلاندىرۋ جوسپارىنان %88,2 يگەرىلدى. يگەرىلمەگەن قاراجات قالدىعى 3,2 ميلليارد تەڭگەنى قۇرايدى. يگەرىلمەگەن قاراجاتتىڭ ەڭ كوپ ۇلەسى 5 وڭىرگە - الماتى، شىعىس قازاقستان، قاراعاندى، وڭتۇستىك قازاقستان وبلىستارىنا، استانا قالاسىنا تيەسىلى»، - دەپ باياندادى ب. اسىلوۆا.
وعان قوسا، ول مەردىگەرلەرمەن سوتتىڭ تالقىلاۋى، مەردىگەردىڭ قۇرىلىس- مونتاج جۇمىستارى كەستەسىنەن كەيىن قالۋى، مەملەكەتتىك ساتىپ الۋلاردىڭ اياقتالماعان راسىمدەرى جانە كەلىسىم- شارتتى كەش جاساۋ قاراجاتتىڭ يگەرىلمەۋىنىڭ نەگىزگى سەبەپتەرى بولىپ تابىلاتىنىن ايتتى.
ءوز كەزەگىندە پرەمەر- ءمينيستردىڭ ورىنباسارى د. نازاربايەۆا وبلىستاردىڭ، استانا جانە الماتى قالالارىنىڭ اكىمدىكتەرىنە ءبىلىم بەرۋ نىساندارىن پايدالانۋعا بەرۋ مەرزىمدەرىن ورىنداماۋعا جول بەرمەۋ بويىنشا مەردىگەرلەرمەن جۇيەلى جۇمىستى قامتاماسىز ەتۋدى تاپسىردى.
«قارجىلاي قاراجاتتى ۋاقتىلى يگەرۋ بويىنشا شارالاردى قابىلداۋ، سونداي-اق باقىلاۋدى كۇشەيتۋ جانە سايكەس ۆەدومستۆو تاراپىنان نىساندار قۇرىلىسىنىڭ بارىسىنا مونيتورينگ جۇرگىزۋ تەتىگىن جاساۋ قاجەت»، - دەدى د. نازاربايەۆا.