داريعا نازاربايەۆا: سورانىڭ ونەركاسىپتىك ءوندىرىسىن قاتاڭ مەملەكەتتىك باقىلاۋدا دامىتۋ قاجەت

استانا. قازاقپارات - ۇكىمەت ۇيىندە ق ر پرەمەر- ءمينيسترىنىڭ ورىنباسارى داريعا نازاربايەۆا كەڭەس وتكىزىپ، ونىڭ بارىسىندا ونەركاسىپ جانە مەديتسينالىق ماقساتتا پايدالانۋ ءۇشىن سورانى ەسىرتكى زاتتاردان حيميالىق تازارتۋ بويىنشا عىلىمي زەرتتەۋلەر جۇرگىزۋ ماسەلەلەرى قارالدى.
None
None

ق ر ينۆەستيتسيالار جانە دامۋ ءمينيسترىنىڭ ورىنباسارى البەرت راۋدىڭ مالىمەتىنشە، سورانى وڭدەۋ سىزباسى ۇسىنىلدى، ونىڭ ناتيجەسىندە ەسىرتكى زات بار كۇنجارا جويىلادى.

كەڭەس بارىسىندا د. نازاربايەۆا سايكەس مەملەكەتتىك ورگاندارعا ءوندىرىس كاسىپورىندارىنا عىلىمي زەرتتەۋلەر جۇرگىزۋگە ارنالعان سورا اينالىمىنا قاتىستى قىزمەتكە ليتسەنزيا بەرۋدىڭ ساپالى جانە اشىق تەتىگىن ەنگىزۋ تۋرالى تاپسىرما بەردى، دەپ جازادى Pm.kz.

وعان قوسا، د. نازاربايەۆا بۇل جۇمىستى ب ۇ ۇ كونۆەنتسياسىنا سايكەس حالىقارالىق ەسىرتكىنى باقىلاۋ كوميتەتىمەن ىنتىماقتاستىقتا جانە ۇيلەستىكتە جۇرگىزۋ كەرەكتىگىن ايتىپ ءوتتى.

بۇدان وزگە، كەڭەس قاتىسۋشىلارى ەسىرتكىلىك ەمەس سورانى ءوسىرۋ بويىنشا جول كارتاسىنىڭ قاناتقاقتى جوباسىن ىسكە قوسۋ تۋرالى اقپاراتتى تىڭدادى.

جوبانى جۇزەگە اسىرۋ اياسىندا قازاقستان تاريحىندا العاش رەت اۋىل شارۋاشىلىعى جەرلەرىندە سورا تۇقىمدارى وڭتۇستىك قازاقستان، الماتى، قاراعاندى جانە سولتۇستىك قازاقستان وبلىستارىنا ەگىلدى. ەكسپەريمەنتتىك ءونىم سورانى وڭدەۋ تەحنولوگياسىن جاساۋ ءۇشىن ا ق ش، گەرمانيا، قىتاي جانە بەلگياعا جونەلتىلەدى.

جاسالعان زەرتتەۋلەردىڭ ناتيجەلەرى بويىنشا سورادان - بانكنوتتان باستاپ ورايتىن جانە كەڭسە قاعازىنا دەيىن قاعازدىڭ بارلىق سپەكترىنە ارنالعان سەلليۋلوزانى، سونداي- اق توقىما جانە ازىق- تۇلىك ونىمدەرىن الۋعا بولادى.

ق ر پرەمەر- ءمينيسترىنىڭ ورىنباسارى تەحنيكالىق سورادان قاعاز ءوندىرۋ كەزىندەگى شيكىزاتتىڭ وزىندىك قۇنىنىڭ تومەندەۋىنە نازار اۋداردى.

«قازاقستاننىڭ ءوز قاعازى جوق. بىزدە ءبارى يمپورتتالادى، بۇل ءونىمنىڭ جوعارى وزىندىك قۇنىنا اسەر ەتەدى. قازاقستاندىق قاعاز ءوندىرىسىن ىسكە قوسۋ، ونىڭ ىشىندە باسپا ب ا ق ءۇشىن دە اسا وزەكتى»، - دەدى د. نازاربايەۆا.

كەڭەس سوڭىندا د. نازاربايەۆا سورانىڭ ونەركاسىپتىك ءوندىرىسىن قاتاڭ مەملەكەتتىك باقىلاۋدا دامىتۋ قاجەتتىگىن باسا ايتتى.

سوڭعى جاڭالىقتار