جاپونيا يمپەراتورىنىڭ تاقتان تۇسەتىن كۇنى بەلگىلى بولدى

استانا. قازاقپارات - جاپونيا يمپەراتورى اكيحيتو 2016 -جىلى 8 - تامىزدا تاعىنان باس تارتقانى تۋرالى بەينەنى جازبانى جاريا ەتەدى، دەپ حابارلادى NHK جاپونيا يمپەراتورلىق سارايىنىڭ باسقارماسىنا سىلتەمە جاساپ.

يمپەراتور جاقىندارىنا تاقتان باس تارتاتىنى تۋرالى ايتقانىن اتالعان تەلەارنا حابارلاعان بولاتىن.

ەندى تاققا ونىڭ ۇلى حانزادا نارۋحيتو وتىرادى، دەپ حابارلادى «گازەتا. Ru».

يمپەراتورلىق ساراي باسقارماسى يمپەراتور ۇندەۋى 10 مينۋتقا سوزىلاتىنىن ايتتى. ول جەرگىلىكتى ۋاقىتپەن ساعات 15.00-دە ترانسلياتسيالانادى. ۇندەۋ باسقارما سايتىندا جاپون جانە اعىلشىن تىلدەرىندە جاريالانادى.

بۇل - يمپەراتوردىڭ تاريحتاعى ەكىنشى ۇندەۋى. العاشقىسىن 2011 -جىلى جاپونياداعى ءىرى جەر سىلكىنىسىنەن كەيىن جاساعان. اعىمداعى جىلدىڭ ماۋسىمىندا جاپونيا يمپەراتورى اكيحيتو الداعى بىرنەشە ۋاقىتتا تاقتان باس تارتۋى مۇمكىن ەكەنى حابارلانعان.

جاپونيادا تاقتان باس تارتقان سوڭعى يمپەراتور كوكاكۋ بولعان. ول ءوزىنىڭ تاعىن 1817 -جىلى ۇلىنا تاپسىرعان.