05:04, 07 - تامىز 2016 | GMT +5
دزيۋدوشى گالبادراح وتگونسەسەگ قازاقستان قورجىنىنا العاشقى مەدال سالدى
ريو- دە- جانەيرو. قازاقپارات - ريو- دە- جانەيرو قالاسىندا ءوتىپ جاتقان ХХХІ وليمپيادا ويىندارىندا 48 كەلىدە ونەر كورسەتكەن قازاقستاندىق دزيۋدوشى گالبادراح وتگونسەسەگ قولا جۇلدەگەر اتاندى.
ول ءۇشىنشى ورىن ءۇشىن كۇرەستە كۋبالىق مەسترە الۆارەستى يپپون ادىسىمەن جەڭىپ، قازاقستان قورجىنىنا العاشقى مەدالدى سالدى.
ەستەرىڭىزگە سالا كەتەيىك، قازاقستاندىق دزيۋدوشى گالبادراح وتگونسەسەگ ەكىنشى بەلدەسۋىندە امي كوندودان ايلاسىن اسىرا الماعان بولاتىن. وسىلايشا ول باس جۇلدە ءۇشىن تالاسقا ءتۇسۋ مۇمكىندىگىنەن ايىرىلىپ قالعان ەدى. ال ءبىرىنشى اينالىمدا وتگونسەسەگ گۆينەيا- بيساۋلىق تاسيانا ليمانى ايقىن باسىمدىقپەن ۇتتى.
اۆتور: كۇنسۇلتان وتارباي
