سەمەي كوشەلەرىن سەل باستى

استانا. قازاقپارات - سەمەيگە تاعىدا سەل جاۋىپ، ورتالىقتاعى 5 كوشەنى سۋ باستى، دەپ حابارلادى 24.kz.

كەيبىر جەرلەردە سۋدىڭ دەڭگەيى جارتى مەترگە دەيىن جەتىپ، تۇرعىنداردى ابىگەرگە سالدى. توقتاۋسىز جاۋعان جاڭبىردان كولىكتەر جولدىڭ ورتاسىنداعى سۋدا قالىپ، قوزعالىس قيىنداعان. كوممۋنالدىق قىزمەت كەشەدەن بەرى دەمالىسسىز جۇمىس جاساپ جاتىر.

سۋ سورۋ جۇمىستارىنا 7 ارنايى تەحنيكا جۇمىلدىرىلدى. «قازگيدرومەد» ماماندارىنىڭ اقپاراتىنا سۇيەنسەك، شىعىس قازاقستاندا جاڭبىرلى اۋا رايى ءالى 2-3 كۇن ساقتالادى.