عالىمدار: كىتاپ وقۋ ادام ءومىرىن ەكى جىلعا ۇزارتادى

استانا. قازاقپارات - امەريكالىق عالىمداردىڭ سوڭعى زەرتتەۋى كىتاپ وقۋ ادام ءومىرىن ۇزارتاتىنىن كورسەتتى.

عالىمدار ادەبيەتكە دەگەن سۇيىسپەنشىلىك ادامنىڭ زياتكەرلىك دەڭگەيىنە وڭ اسەر ەتىپ قانا قويماي، ونىڭ ءومىرىن دە ۇزارتاتىنىن انىقتادى.

يەل ۋنيۆەرسيتەتىنىڭ قىزمەتكەرلەرى كوپ جىلدىق زەرتتەۋ جۇرگىزدى، ناتيجەسىندە كوپ وقيتىن ادامدار كىتاپ وقىمايتىندارعا قاراعاندا، ورتاشا ەكى جىل ارتىق ءومىر سۇرەتىنىن كورسەتكەن.

ەكسپەريمەنتكە شامامەن 50 جاس شاماسىنداعى 3500 ادام قاتىسقان. ولار كىتاپ وقۋعا ۋاقىت بولۋىنە قاراي ءۇش توپقا ءبولىندى.

12 جىل ىشىندە عالىمدار ولاردىڭ دەنساۋلىعىن باقىلادى. ناتيجەسىندە، ەكسپەريمەنت سوڭىندا كىتاپتى ءسۇيىپ وقيتىندار اراسىندا ءولىم- ءجىتىم دەڭگەيى 23 پايىزعا تومەن بولىپ شىقتى.

ايتقانداي، كىتاپتى ءسۇيىپ وقيتىندار ءبىلىمى دە، تابىسى دا جوعارى ايەلدەر قاۋىمى بولىپ تابىلادى.