بولاشاقتا قىتايداعى قازاق بالۋانى ەرلانبەك كاتەي ۇلىن قازاق ەلىنە شاقىرۋ ويىمىزدا بار - ارىستانبەك مۇحامەدي ۇلى
بۇل تۋرالى ريو- دە- جانەيرو قالاسىندا اشىلعان قازاقستان باسپا ءسوز ورتالىعىنا جۋرناليستەرمەن كەزدەسكەن ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.
بۇل تۋرالى ريودا جۇرگەن قازاقپارات ءتىلشىسى حابارلايدى.
"بيىل ريو وليمپياداسىنا تۇركيادا تۋعان قازاق قىزى تاەكۆوندوشى جانسەل دەنيز ءوز ەلىنىڭ اتىنان ونەر كورسەتەدى. بولاشاقتا قىتايدا جۇرگەن قازاق بالۋانى ەرلانبەك كاتەي ۇلىن اتا جۇرتىنا شاقىرۋ ويىمىزدا بار. ول قانداسىمىز وسى وليمپيادادا قىتاي تۋىنىڭ استىندا ونەر كورسەتەدى"، - دەپ اتاپ ءوتتى مينيستر.
بۇل مينيسترلىكتىڭ قازىرگى تاڭداعى قولعا العان باستى ماقساتتارىنىڭ ءبىرى ەكەنىن ايتتى.
"قازىر شەتەلدە قانشاما مىقتى قازاق سپورتشىلارى ءجۇر. ءبىز ولاردى اقىرىنداپ ەلگە شاقىرۋىمىز كەرەك. ءبىزدىڭ قازىرگى ۇستانىپ وتىرعان باعىتتارىمىزدىڭ ءبىرى وسى"، - دەپ اتاپ ءوتتى ا. مۇقامەدي ۇلى.
ەستەرىڭىزگە سالا كەتەيىك، ەندى ساناۋلى ساعاتتاردان سوڭ ريو وليمپياداسىنىڭ الاۋى تۇتانادى.
XXXI جازعى وليمپيادا ويىندارىنىڭ سالتاناتتى اشىلۋىن «حابار» ارناسى 5 -تامىزدان 6 -تامىزعا قاراعان ءتۇنى تىكەلەي ەفيردەن كورسەتەدى. باستالۋى - استانا ۋاقىتى بويىنشا 04.55.
اۆتور: كۇنسۇلتان وتارباي
