قازاقستان قۇراماسى ريو وليمپياداسىنىڭ اشىلۋ سالتاناتىندا ءجۇرىپ ءوتتى - ۆيدەو
سپورتشىلار شەرۋىن ءداستۇر بويىنشا، گرەكيا قۇراماسى باستادى. ال قازاقستان تۋىن وليمپيادا القاسىنا قازاقستان قۇراماسىنىڭ ءۇمىتى، تاەكۆوندوشىمىز رۋسلان جاپپاروۆ كوتەرىپ شىقتى.
رۋسلان - جاس سپورتشى. وليمپيادا جولداماسىن ۇستىمىزدەگى جىلدىڭ ءساۋىر ايىندا فيليپپيندە وتكەن ليتسەنزيالىق تۋرنيردە ۇتىپ العان بولاتىن.
تۋ ۇستاپ شىعۋ ءۇشىن رۋسلاننىڭ تاڭداپ الىنۋى جۇرتشىلىقتى تاڭ قالدىردى. دەگەنمەن، ۇلتتىق وليمپيادالىق كوميتەتتىڭ ءوز ەسەبى بار: ۇزاققا سوزىلاتىن اشىلۋ سالتاناتىنا جارىسقا العاشقى كۇندەردەن قوسىلاتىن ساڭلاقتارىمىزدى قاتىستىرىپ، شارشاتقىسى كەلمەيدى. اشىلۋ سالتاناتى كەزىندە تۋ ۇستاۋشى 4-5 ساعات بويى تىك تۇرۋى ءتيىس. ءتىپتى دە وڭاي ەمەس. ال رۋسلان جارىسقا 17 -تامىزدا عانا قوسىلادى. «وعان دەيىن شارشاعانىم باسىلىپ، جارىسقا جاقسىلاپ ازىرلەنىپ ۇلگەرەمىن»، - دەگەن ەدى رۋسلاننىڭ ءوزى. ارينە، ءبىز تۋ ۇستاۋشىمىزعا ەرەكشە تىلەكتەسپىز.
جالپى شەرۋ كەزىندە 200 دەن استام ەلدەن كەلگەن 12 مىڭعا تارتا سپورتشى مەن كوماندا وكىلدەرى ءجۇرىپ وتەدى. قاتىسۋشىلار سوڭىندا بارلىعى ءبىر- ءبىر اعاشتان وتىرعىزىپ، وليمپيادالىق ساياباقتىڭ كوركەيۋىنە ۇلەس قوسادى.
ەستەرىڭىزگە سالا كەتسەك، 1996 -جىلعى اتلانتا جانە 2000 -جىلعى سيدنەي وليمپيادالارىندا - قازاقستاننىڭ تۋىن بوكسشى ەرماحان ىبىرايىموۆ، 2004 -جىلعى افينى وليمپياداسىندا - دزيۋدوشى اسحات جىتكەيەۆ، 2008 -جىلى بەيجىڭدە - اۋىر اتلەت باقىت احمەتوۆ، ال 2012 -جىلعى لوندون وليمپياداسىندا گرەك- ريم پالۋانى نۇرماحان تىناليەۆ الىپ شىققان ەدى.
جالپى، ريو وليمپياداسىنا قازاقستان نامىسىن قورعاۋعا 104 سپورتشى كەلىپ وتىر.
GO GO GO #KAZAKHSTAN ABERTURA DAS OLIMPÍADAS RIO DE JANEIRO 2016 ! #rio #abertura #Kazajstán #Cazaquistão #kazakhstan @alissaofficial_ #AlissaOfficial #BrasilAmaAlissa #Brasil #Recife #España #SanSebastián #Cazaquistão #Almaty #musically @musically #Rússia #música #youtuber #nomakeup #canción #song #красивая #девушка #nomekeup #russiangirl #музыка @tophitsmusically
