قازاقستاندا مەكتەپتەر قاعاز تۇرىندەگى كۇندەلىكتەردەن قۇتىلادى
بۇل تۋرالى Tengrinews.kz تىلشىسىنە «كۇندەلىك» ج ش س باس ديرەكتورى الەكساندر گريگوريان حابارلادى.
گريگورياننىڭ ايتۋىنشا، ءبىلىم سالاسىنداعى جۇمىستاردى ەلەكتروندىق فورماعا اۋىستىرۋدى ءبىلىم مينيسترلىگىنىڭ وكىلدەرى دە قولداپ وتىر. ايتا كەتەيىك، بۇل جۇيە قازىرگى ۋاقىتتا ەلىمىزدەگى بارلىق مەكتەپتە ەنگىزىلىپ جاتىر. «بۇل ەلىمىزدەگى مەكتەپتەردىڭ بارلىعىنا ەنگىزىلىپ جاتقان ەلەكتروندىق پورتال. ول وقۋ پروتسەسىن جەڭىلدەتەدى. بىلتىر رەسپۋبليكاداعى ءتورت وبلىستا ەلەكتروندىق پورتال ەنگىزىلىپ، جۇمىسىن باستاعان بولاتىن. ياعني، 700 دەن اسا مەكتەپ جاڭا اقپاراتتىق تەحنولوگيامەن جۇمىس ىستەپ جاتىر. بۇل جوبا مەملەكەتتىڭ جانە جەكەمەنشىك ارىپتەستىكتىڭ نەگىزىندە جۇزەگە اسىرىلىپ جاتىر»، - دەدى الەكساندر گريگوريان.
سونىمەن قاتار، گريگوريان جوبانىڭ ەلىمىزدىڭ بارلىق وبلىسىندا جانە اۋىلدىق جەرلەردە دە جۇمىس ىستەيتىنىن اتاپ ءوتتى. «ينتەرنەت- پورتال قانداي دا ءبىر قۇرىلعىنى ورناتۋدى تالاپ ەتپەيدى. بۇل جوبا مۇعالىمدەردىڭ، اتا- انالاردىڭ جانە وقۋشىلاردىڭ ءبىر- بىرىمەن قارىم- قاتىناس جاساۋىنا سەپتىگىن تيگىزەدى. اتا- انالار مۇعالىمدەرمەن، مەكتەپ اكىمشىلىگىمەن تىكەلەي بايلانىستا بولا الادى. ەلەكتروندىق كۇندەلىك تەك وقۋ ماتەريالدارىنان ەمەس، سونداي- اق، ويىن- ساۋىق مازمۇنىنداعى ماتەريالدارمەن قامتىلعان»، - دەدى جوبا اۆتورلارىنىڭ ءبىرى. ونىڭ ايتۋىنشا، بۇگىندە 7500 مەكتەپتىڭ 2500 ى ينتەرنەتپەن قامتاماسىز ەتىلگەن.
ايتا كەتەيىك، جوبانىڭ قۇنى 30 ميلليارد تەڭگە بولدى جانە ونى ينۆەستورلار تولەيدى. ونىڭ ايتۋىنشا، ۋاقىت وتە كەلە ەلىمىزدەگى بارلىق مەكتەپ ادەتتەگى قاعاز تۇرىندەگى كۇندەلىكتەردەن باس تارتادى. «ق ر ب ع م قۇجاتتاردى ەلەكتروندىق فورماعا اۋىستىرۋدى قولداپ وتىر. راسىندا، قاعاز تۇرىندەگى جۋرنالدار قولدانىستان شىعىپ جاتىر. ەندى بارلىق اقپاراتتى ونلاين كورۋگە بولادى»، - دەدى جوبانىڭ اۆتورى.
