اكتريسا اينۇر ءىلياسوۆا بال ايىن ءۇندىستاندا وتكىزىپ جاتىر - فوتو
اكتريسا جۋىردا تۇرمىسقا شىعىپ، كينو ستيلىندەگى ەرەكشە قىزويناق وتكىزگەن بولاتىن. تويلارىن 3 ماۋسىم كۇنى «قازاقستان» قوناق ءۇيىنىڭ مەرەكەلىك زالىندا جاسادى. تۋىسقاندارىنان بولەك لۋينا، ءادىل ليان، مارات ورالعازين، گۇلنار سيلبايەۆا، دياس ابلايەۆ سىندى دوستارى كەلگەن. ەندى مىنە قوس عاشىق بالي ارالدارىندا دەمالىپ جاتىر.
العاشقى كۇنى ءۇندى مۇحيتىنىڭ جاعالاۋىنا بارىپ، ءتۇرلى كوسمەتولوگيالىق پروتسەدۋرالار جاساتقان.
«ۇزاق ۋاقىت جول ءجۇرىپ كەلگەن سوڭ ءبىرىنشى كۇنى تەك دەمالۋدى ءجون كوردىك. جارتى كۇن بويى سپا سالوندا ءتۇرلى كوسمەتولوگيالىق پروتسەدۋرا جاساتتىق. جەرگىلىكتى ساعات 19:40 بولعاننىڭ وزىندە اۋا تەمپەراتۋراسى 27 گرادۋستى كورسەتىپ تۇر. بىزگە دە كەرەگى وسى ەدى. ءدال قازىر ءۇندى مۇحيتىنىڭ جاعالاۋىندا تابيعاتتىڭ كوركىنە تامسانىپ، دەمالىپ وتىرمىز»، - دەيدى اينۇر ءىلياسوۆا.
كەلەسى كۇنى باتۋان عيباداتحاناسىنا بارۋدى ءجون كورگەن. كىرۋ ءۇشىن 20000 رۋپي تولەگەن ەكەن. بۇل شامامەن 500 تەڭگە بولادى، جەرگىلىكتى تۇرعىندار وسىلايشا قۇدايدىڭ ريزاشىلىعىنا بولەنەتىندىكتەرىن ايتقان. مۇنىمەن قاتار، وتانىندا جوق جان-جانۋاردىڭ ءتۇر-ءتۇرىن كورگەندىگىن ايتادى. اسىرەسە، ۇلكەن كوبەلەك ءوزىن قاتتى تاڭ قالدىرعان ەكەن.
«وسىنداي كوبەلەك كورگەندەرىڭ بار ما؟ ! شىنىمدى ايتسام، ءتۇرى ءبىراز قورقىنىشتى، اياقتارى جىبىر- جىبىر ەتىپ، ادامدى ازداپ سەسكەندىرەدى. دەگەنمەن، قۇدايدىڭ جاراتقانى تاماشا- اق! بالي ارالىنا كەلسەڭىزدەر، مىندەتتى تۇردە كوبەلەكتەر باعىنا بارىڭىزدار»، - دەيدى ول.
ال كەشە جۇپ نەكەلەسكەندەرىنە ەكى اي تولعانىن اتاپ ءوتتى. تەڭىز جاعاسىندا وتىرىپ رومانتيكالىق اس ىشكەن ەكەن.
«بۇگىن ءبىز ءۇشىن ەرەكشە كۇن! كوپ نارسە جازعىم كەلمەيدى. بار بولعانى وسى ومىدە بار بولعانىڭ ءۇشىن راحمەت! جانە ءبىزدىڭ قوسىلۋىمىزعا تىلەكشى بولعان جاندارعا العىسىم شەكسىز. بۇگىن جاقسىلاپ تويلايمىز!»، - دەيدى اينۇر ءىلياسوۆا. قوس عاشىقتىڭ قۋانىشىن جەلى قولدانۋشىلارى دا ءبولىسىپ، باقىت تىلەدى.
