ۇكىمەت باسشىسى جۇمىس ساپارىمەن اقمولا وبلىسىنا كەلدى
ساپار بارىسىندا ۇكىمەت باسشىسى كارىم ءماسىموۆ ستەپنوگوردەگى «ستەپنوگور- ەۋروپالىق پودشيپنيك كورپوراتسياسى» ا ق- دا بولدى.
ايتا كەتەيىك، وسى كۇنى «ستەپنوگور- ەۋروپالىق پودشيپنيك كورپوراتسياسى» ا ق- نىڭ دا جۇمىسى وڭعا باسۋدا. اتالمىش كاسىپورىن وسىعان دەيىن جولاۋشىلار جانە جۇك ۆاگوندارىنا، تەپلوۆوزدار مەن ەلەكتروۆوزدارعا قاجەتتى پودشيپنيكتەر شىعارىپ كەلگەن ەدى. سوڭعى كەزدەر تەمىرجول سالاسىنان سۇرانىس تومەندەگەن سوڭ كاسىپورىن وسى كۇنى ەۋروپالىق ۇلگىدەگى پودشيپنيكتەردىڭ جاڭا ءتۇرىن شىعارۋدى قولعا الىپ وتىر.
(ىشپەك، (ور. پودشيپنيك) - مەحانيزمنىڭ اينالمالى نە تەڭسەلمەلى بولىگىندەگى بىلىكتىڭ نەمەسە ءوستىڭ تىرەگى.)
«2012 -جىلى كاسىپورىنعا «ە پ ك- ماسكەۋ» اشىق اكسيونەرلىك قوعامىنىڭ پودشيپنيك ءوندىرىسى نومەنكلاتۋراسىن اۋىستىرۋ» ينۆەستيتسيالىق جوباسى اياقتالدى. ماسكەۋدە جابىلىپ قالعان زاۋىتتان قاجەتتى بولشەكتەر تاسىمالداندى. ول جاقتان مۇندا 370 قوندىرعى جەتكىزىلدى.
وسىنىڭ ارقاسىندا وتكەن جىلدىڭ قورىتىندىسى بويىنشا زاۋىتتا 10,3 مىڭ توننا پودشيپنيك نەمەسە 6 ميلليارد تەڭگەنىڭ ءونىمى شىعارىلدى.
بيىلعى جىلدىڭ باسىنان بەرى جاڭا ۇلگىدەگى 71 مىڭ دانا پودشيپنيك نەمەسە 12 ميلليارد تەڭگەنىڭ ءونىمى ءوندىرىلدى. دايىن ءونىم قازاقستان مەن رەسەي نارىقتارىنا ساۋداعا شىعارىلۋدا. جاڭا ونىمگە سۇرانىس ارتۋدا. كەلەشەكتە زاۋىت بۇل كورسەتكىشتى ودان ءارى اسىرۋدى مەجەلەپ وتىر»، دەدى كاسىپورىن باسشىسى الەكساندر توميلوۆ.
ەسكە سالا كەتسەك، سونىمەن قاتار وسى كۇنى ۇكىمەت باسشىسى «قازاقستاننىڭ جىلىجاي كەشەنى» ج ش س، №2 يندۋستريالدى- تەحنيكالىق كوللەدجدە بولىپ، وبلىستاعى ج و و مەن تەحنيكالىق جانە كاسىبي ءبىلىم بەرۋ ورىندارىنىڭ ستۋدەنتتەرىمەن كەزدەسەدى دەپ جوسپارلانعان. كەزدەسۋدە جاستاردى جۇمىسقا ورنالاستىرۋ ماسەلەسى ءسوز بولماق.
سونداي- اق، بۋراباي اۋدانىنىڭ ءبىرقاتار الەۋمەتتىك- وندىرىستىك نىساندارىمەن تانىسىپ، استانا قالاسى اينالاسىندا ازىق- تۇلىك بەلدەۋىن مەن شۋچينسك- بۋراباي كۋرورتتى ايماعىن دامىتۋ تۋرالى كەڭەس وتكىزەدى دەپ جوسپارلانعان.
اۆتور: اسلان وسپانوۆ
