يتاليادا كەدەيلەردى مەرزىمى وتكەن تاعاممەن تاماقتاندىرۋعا رۇقسات بەردى

استانا. قازاقپارات - يتاليا بيلىگى جارامدىلىق مەرزىمى ءوتىپ كەتكەن ازىق- تۇلىكتەردى قايىرىمدىلىق ماقساتتا بەرگەنى ءۇشىن ايىپپۇلدى جويۋ تۋرالى شەشىم قابىلدادى. بۇل - جىل سايىن لاقتىرىلاتىن ازىق- تۇلىك كولەمىن قىسقارتۋعا باعىتتالعان پارلامەنت ماقۇلداعان باستامانىڭ ءبىرى،

 دەپ حابارلادى The Independent.

جىل سايىن ەلدە بەس ميلليون تونناعا جۋىق ءونىم لاقتىرىلادى. ونىڭ جيىنتىق قۇنى 10 ميلليارد ەۋرو نەمەسە يتاليانىڭ ءى ج ءو 1 پايىزى. بيلىك بۇل دەڭگەيدى بەس ەسەگە تومەندەتپەك.

باسىلىم جازعانداي، 20 پايىز جۇمىسسىزدىق بەلەڭ الىپ، كەدەيلەر سانى ميلليونعا جەتكەندە، مۇنداي ىسىراپشىلدىققا جول بەرۋگە بولمايدى.

اتاپ ايتقاندا، قايىرىمدىلىق ماقساتتا ءونىم تاراتاتىن فەرمەرلەرگە، سۋپەرماركەتتەرگە تورەشىلدىك كەدەرگىلەر الىپ تاستالادى.

بيلىك سونىمەن قاتار، ەكى باعدارلامانى قارجىلاندىرماق نيەتتە، دەپ جازادى لەنتا. رۋ.

ميلليون ەۋرو تۇراتىن ءبىرىنشى باعدارلاما ازىق- تۇلىكتىڭ جارامدىلىق مەرزىمىن ۇلعايتۋ ءۇشىن ساقتاۋ جانە تاسىمالداۋ سالاسىنداعى جاڭا تەحنولوگيالىق شەشىمدەردى ازىرلەۋگە باعىتتالعان.

 تاعى ميلليون ەۋرو كەلۋشىلەردى ءدامحانالار مەن مەيرامحانالاردا جەلىنبەي قالعان تاعامداردى الىپ كەتۋگە داعدىلاندىراتىن ارنايى ناسيحاتتاۋ ناۋقانىنا جۇمسالادى. سونىمەن بىرگە، يتالياندىقتارعا مۇندا قىسىلاتىنداي ەشتەڭە جوق ەكەنىن تۇسىندىرۋگە ارنالادى.

فاو دەرەكتەرىنە سايكەس، جىل سايىن ەۋروپادا تاعامنىڭ جالپى سانىنان 40 پايىزى لاقتىرىلادى. بۇل 200 ميلليون ادامدى تاماقتاندىرۋعا جەتەر ەدى.