الماتىداعى اتىستا باسىنا وق تيگەن پوليتسەي ءوزىنىڭ و دۇنيەدەن قايتقانىن ايتتى

استانا. قازاقپارات - الماتىداعى اتىستا باسىنا وق تيگەن پوليتسەي ءوزىنىڭ و دۇنيەدەن قايتقانىن ايتتى. شىلدەنىڭ 18- كۇنى الماتىداعى اتىستا جاراقات العان اعا سەرجانت قۇرمانعازى ساتتىمبەكوۆ بۇگىن اۋرۋحانادان شىقتى.

باسىنا وق تيگەن پوليتسەيگە سويلەۋ اۋىر بولىپ ءجۇر، دەپ حابارلايدى Baq.kz.

«دارىگەرلەرگە شەكسىز العىسىمدى بىلدىرەمىن. ولار مەنى و دۇنيەدەن قايتارىپ الدى دەۋگە بولادى. ارينە، قازا بولعان ارىپتەستەرىمنىڭ وتباسىلارىنىڭ قايعىسىنا ورتاقتاسىپ، كوڭىل ايتقىم كەلىپ وتىر. ونى ويلاۋدىڭ ءوزى اۋىر مەن ءۇشىن»، - دەيدى قۇرمانعازى ساتتىمبەكوۆ.

ايتا كەتەيىك، تامىزدىڭ 1- كۇنى جان ساقتاۋ بولىمىندە جاتقان ەكى پوليتسەي قايتىس بولدى. ولار - پوليتسيا سەرجانتى سەرىك ەركەن ۇلى ابىلدايەۆ جانە پوليتسيا لەيتەنانتى مەيرامبەك نۇريديللا ۇلى راحماتۋللايەۆ.

بۇعان دەيىن ەكى پوليتسەي اۋرۋحانادان شىعارىلعان بولاتىن. قازىرگى كەزدە الماتىداعى ەمدەۋ مەكەمەلەرىندە ءبىر پوليتسەي جاتىر.