اقىرزاماننىڭ اۋىلى الىس پا؟

استانا. قازاقپارات - جاقىندا بۇقارالىق اقپارات قۇرالدارى مەن الەۋمەتتىك جەلىلەردە ەلدى ەلەڭ ەتكىزگەن جاڭالىقتىڭ ءبىرى دە بىرەگەيى اقىرزامان تۋرالى اڭگىمە بولدى.

 ناقتىراق ايتساق «كورىپكەلدەردىڭ» بولجاۋىنشا، 29 - شىلدە كۇنى اقىرزامان بولۋى ءتيىس ەدى. وسى جاعدايدى دالەلدەيتىن بەينەجازبالار YouTube جەلىسىندە دۇنيەنى دۇرلىكتىردى. ونى ءاپ- ساتتە ءۇش ميلليوننان استام ادام كورىپ، ءتۇرلى پىكىر جازعان.

روليك اۆتورلارى ءىنجىلدىڭ كەيبىر ماتىندەرىنە سۇيەنە وتىرىپ، كەلەسى جۇمادا جەردىڭ ماگنيت پوليۋستەرىنىڭ وزگەرۋى بولاتىنىنا سەندىرۋگە تىرىسقان. «تابيعات وزگەرىسى قاتتى جەر سىلكىنىسىنە سەبەپ بولادى جانە اۋا تەمپەراتۋراسى كۇرت وزگەرەدى، سونىڭ سالدارىنان جەر بەتىندە ءومىر ءسۇرۋ مۇمكىن بولمايدى. كۇن سۋىتادى، ال اي قىزىل تۇسكە بويالادى. الەمدىك مۇحيتتىڭ دەڭگەيى جوعارىلايدى» دەلىنگەن بولجامدا.

وكىنىشكە قاراي.. . كەشىرىڭىزدەر، قۋانىشقا وراي وسى سەكىلدى جۇزدەگەن بولجامدار دالەلدەنبەدى. «اقىرزاماننىڭ سەناريى كورىپكەلدەر مەن فۋتۋرولوگتار، عالىمدار مەن اقىلسىزدار، قاسيەتتى كىتاپتار مەن ءدىني ادەبيەتتەردە تالاي رەت بولجانعان» دەيدى RT تەلەارناسى.

 جەر شارىندا ءسوز ەتەتىن باسقا اڭگىمە قۇرىپ قالعانداي، اقىرزامان تۋرالى الىپقاشپا اڭگىمەلەر تەز تارالۋىمەن ەرەكشەلەنەدى.

 اقىرزامان -  فۋتۋرولوگتاردىڭ ەڭ سۇيىكتى تاقىرىبى. ءتىپتى ۇيدە وتىرىپ تا قاسىرەتتىڭ قارا بۇلتىن ۇيىرەتىندەر كوبەيىپ كەلەدى. ولار جۇرتقا جاماندىق تىلەمەسە دە، وسىندايدا كورىنىپ قالعىسى كەلەدى. تاريحقا بويلاساق وسى سەكىلدى بولجامدار تىم ەرتە زاماندا دا ءتۇرلى جازبالاردا ايتىلعان. ەندى سونداي جايسىز جاعدايلارعا توقتالىپ كورەلىك.

 1. ۇندىستەردىڭ مايا تايپاسى اقىرزاماننىڭ بولاتىنىن ناقتى ايتقان. وقيعا 2012 -جىلى 21 - جەلتوقساندا بولۋى ءتيىس ەدى. انىقتاي كەلگەندە ول وسى تايپانىڭ كۇنتىزبەسىندەگى سان وزگەرىستەرىنە بايلانىستى ايتىلىپتى.

 2. باپتيستەردىڭ ناسيحاتشىسى تۋيليام ميللەر ءىنجىلدىڭ كەيبىر تۇستارىنا كوڭىلى تولماعاندىقتان 50 مىڭ تۇرعىنى بار جاڭا انگليا تۇرعىندارىنا 1844 -جىلعى 21 -ناۋرىز ادامزات ءۇشىن سوڭعى كۇن دەپ جاريالاعان.

 3. ميللەر قاتەلەسكەنىمەن، ونىڭ ءىزباسارى گارولد كەمپينگ ىنجىلگە سۇيەنە وتىرىپ، 2011 -جىلى 21 - مامىردا تىرشىلىك توقتايتىندىعىن جەتكىزدى.

 4.1806 -جىلى بريتاندىق الاياق مەري بەتمەن تاۋىق باسقان جۇمىرتقانىڭ ءبىرىن الىپ «حريستوس كەلە جاتىر» دەگەن جازۋ جازىپ، تاۋىقتىڭ قوراسىنا قايتا قويىپ قويادى. ول وسىلايشا، ەلگە جۇمىرتقا كورسەتىپ، اقشا الۋ ارقىلى تۇرمىسىن تۇزەمەكشى بولادى. اقىرى كىناسى موينىنا قويىلىپ، دارعا اسىلىپ تىنادى.

 5. الايدا «اپوكاليپسيس» اقىرى بەلگى بەرگەندەي بولادى. مۇنى عالىمدار 250 ميلليون جىل بۇرىن سىبىردە بولعان قاسىرەتتى وقيعامەن بايلانىستىرادى. ول كەزدە جەردەگى تىرشىلىكتىڭ 80 پايىزى جويىلىپ كەتكەن. تاۋدىڭ شىڭدارىنداعى كومىرتەگىنىڭ كوپتىگىنەن جاھاندىق جىلىنۋ قاۋىپى تونگەن. اتموسفەرادا سو2 ەكى ەسە كوبەيگەن.

 6. 65 ميلليون جىل بۇرىن جەر بەتىنە قۇلاعان استەرويد سالدارىنان قىشقىل جاۋىن جاۋىپ، جاھاندىق سۋىق جانۋارلاردىڭ كوزىن جويعان.

 7. عالىمدار قازىرگى اتموسفەراداعى س02 دەڭگەيى 800 جىل بۇرىنعىعا قاراعاندا ەكى ەسە كوپتىگىن ايتادى.

 8. ەندى ءبىر بولجام 2040 -جىلعى 5 - اقپانعا تىرەلىپ تۇر. اس5 دەپ اتالاتىن استەرويد جەرگە توپەپ بەرەتىن كورىنەدى.

 9. ايتپاقشى، امەريكالىق ناسا عارىش اگەنتتىگىنىڭ حابارالۋىنشا، 10 مىڭ اسپان دەنەسى جەرگە «كوز تىگىپ» تۇر.

 10. بارىنەن دە قاۋىپتىسى عارىشتاعى قوقىستار. ولار جاپپاي جەرگە قۇلاسا نە بولادى؟

 11.جۇزدەگەن جىلداردان كەيىن WR-104 دەپ اتالاتىن جۇلدىز تىم قاشىقتا ورنالاسقانىمەن، ول جارىلار بولسا قورقىنىشتىڭ كوكەسى سوندا بولادى ەكەن. جەردىڭ وزون قاباتى جوعالىپ، ادامدار كۇننىڭ ىستىعىنا قۋىرىلىپ كەتەدى.

 12. ەندى ميلليونداعان جىلداردىڭ كۇننىڭ كوزى ءسونۋى مۇمكىن بە؟ ەگەر ول سونەر بولسا، ودان كەيىنگى ادامداردىڭ تاعدىرى نە بولادى؟

 13. قاسىرەتتەن قالاي قاشىپ قۇتىلامىز؟ اناۋ ا ق ش سەكىلدى الىپ مەملەكەتتەردىڭ كەيبىر تۇرعىندارى اقىرزامانعا دايىندالىپ تا قويعان كورىنەدى. ولار جەر استىنان ۇڭگىرلەر قازىپ، ونى وسى زامانعا لايىقتى ەتىپ جابدىقتاپ، ازىق- تۇلىك قورىن دا جاساعان. ال ءبىز ۋاقىتشا قيىندىقتان شىعۋ ءۇشىن وسىنداي «قور» جاسادىق پا؟

 14. عارىش زەرتتەۋشىلەرى ادامزاتتى قورىقپاۋعا شاقىرادى. جەردىڭ جۇتىلۋى ءۇشىن ءالى 20 ميلليارد جىل قاجەت كورىنەدى.

 15. جەر بەتىندە «ۇلكەن جارىلىس» بولۋى مۇمكىن. ول قارا ەنەرگيانىڭ تارالۋىنا تۇرتكى بولادى. ول تارتىلىس كۇشىنە ەرەكشە اسەر ەتەدى.

دۇنيە ەسىگىن اشىپ، جارىق دۇنيەگە كەلگەن ويلى ادامدى «بۇل دۇنيەنىڭ سوڭى بولا ما، ادام دۇنيەگە نە ءۇشىن كەلەدى، وسى ومىردە ىستەگەن ارەكەتتەرىمىز ءۇشىن ەسەپ بولا ما، ادام دۇنيەدەن وتكەن سوڭ قانداي جاعدايدا بولادى» دەگەن سياقتى سۇراقتاردىڭ تولعاندىرارى ءسوزسىز. كەيبىرەۋلەر دۇنيەدەن وتكەنشە بۇل سۇراقتارعا جاۋاپ تاپپاي كەتۋى مۇمكىن. ال، كوزى اشىق، كوكىرەگى وياۋ، ءبىلىمدى ادامدار بۇل ساۋالداردىڭ جاۋابىن قايدان ىزدەۋ كەرەك ەكەنىن جاقسى بىلەدى. اللا تاعالا قاسيەتتى قۇران كارىمنىڭ بىرنەشە جەرىندە بىزگە بۇل دۇنيەنىڭ اقىرى بار ەكەنىن، اقىرزامان بولاتىنىن جانە بۇل دۇنيەگە سىناق ءۇشىن، ەمتيحان تاپسىرعالى كەلگەنىمىز، سول ەمتيحاننىڭ باعاسىن الاتىنىمىز، ول قيامەت كۇنى بولاتىنى جايلى ايتقان.

تىنىشتىق قاجى ياحيا ۇلى ەسىمدى باۋىرىمىز اقىرزامان تۋرالى بىلاي دەيدى: «سول قيامەت كۇنىنىڭ، ياعني اقىرزاماننىڭ قانداي جاعدايدا كەلەتىنى، ونىڭ نەگىزگى بەلگىلەرى قانداي ەكەنى جايلى دا قۇران سۇرەلەرىندە ايتىلعان. قيامەتتىڭ بولۋى اللا تاعالانىڭ قۇدىرەتىنىڭ جانىندا ەش نارسە ەمەس. جەر شارى اينالىپ تۇرعان ءوز تۇعىرىنان ءبىر ميلليمەتر نە سانتيمەترگە شىعىپ كەتسە - ءفانيدىڭ اقىرى.

 الەمدە، كۇن، جۇلدىز، بارلىعى دا ءبىر- بىرىمەن بايلانىستى. ەگەر ورىندارىنان ءسال اۋىتقىدى دەگەنشە، جەر قۋاتىن جوعالتادى. اللا تاعالانىڭ ۋاقىت ساعاتى بار. ول جۇلدىزداردى سوعىستىرماستان، كۇندى ءبىر ءسات سوندىرمەستەن، ءبىر ميلليمەترگە دە شىعارماستان ۇستاپ، ساقتاپ تۇرادى» .

«ايقىن»