ەركە ەسماحاننىڭ «بولاشاق جارى» سۋرەتىن سالىپ، وزىنە تابىستادى - فوتو
ال جەلى قولدانۋشىلارى سۋرەتتى سالعان جىگىتتى ونىڭ بولاشاق جارى بولار دەپ بولجادى.
بۇل تۋرالى Stan.kz حابارلايدى.
ەركە ەسماحان ءتۇرلى كومپانيادان ءجيى سىيلىق الىپ، ولاردى جارنامالاۋعا اتسالىسىپ وتىرادى. بۇل جولى ول شالقار ەسىمدى سۋرەتشى دوسىنىڭ تۋىندىسىنا قايران قالعانىن جەتكىزدى. سۋرەتتى ۇناتقاندىعى سونشالىق، ءوزىن مونا ليزاعا، سۋرەتشىنى لەوناردو دا ۆينچيگە تەڭەپ ۇلگەردى.
«شالقار، تاۋداي راحمەت! بەينەلەۋ ونەرىندە باعىڭ جانسىن! بۇل كارتينانى ۇرپاعىم ساقتاسا، مىڭداعان جىلداردان سوڭ قۇنى پالەنباي مىڭعا باعالاناتىن ناعىز شەديەۆر بولاتىن شىعار؟! شالقار بەينەلەگەن «ەركە ەسماحان» بوپ الەم تاريحىندا قالايىق، لەوناردو دا ۆينچي سالعان «مونا ليزا» سياقتى. مەن دە تاريحتا قالعىم كەلەدى. مەنىڭشە، ول كەزەڭدە سۋرەتتەر ادام قولىنان ەمەس، ارنايى تەحنيكادان شىعاتىن سياقتى»، - دەيدى ەركە ەسماحان.
مۇنىمەن قاتار، ءانشىنىڭ تاعى ءبىر جازباسى ەكىۇشتى وي سالدى. ول الدەقانداي اڭساپ جۇرگەن ارمانىنىڭ ورىندالعانىن ايتتى. مۇنىڭ جەكە ومىرىنە قاتىسى بار، جوعى ازىرگە بەلگىسىز. دەسە دە، ەركە ءوزىنىڭ تاعى دا تۇرمىسقا شىعىپ، انا اتانعىسى كەلىپ جۇرگەنىن ءجيى ايتاتىن.
«كوپتەن بەرى ويعا العان ءبىرشاما جوسپارلارىمدى جۇزەگە اسىرىپ جاتىرمىن! بارشاڭىزعا تەك ساتتىلىك تىلەيمىن!»، - دەيدى ول.
الايدا جوعارىداعى سۋرەت تىڭدارماندارىنىڭ كوڭىلىنەن شىقپاعان سىڭايلى. ولار تۋىندىعا جوعارى باعالارىن بەرسە دە، سۋرەتتەگى ارۋدى ءمولدىر اۋەلبەكوۆاعا ۇقساتتى. «ۇقسامايدى. مونا ليزاداي تاريحتا قالۋ ءۇشىن ەرىننىڭ ءوزىن 12 جىل سالۋ كەرەك»، «ەركەگە ەمەس، ءمولدىر اۋەلبەكوۆاعا ۇقسايدى»، «ەركەنىڭ بەتى جالپاق قوي»، «ەركەنىڭ وزىنەن دە سۇلۋ بەينە بولىپ شىعىپتى. ەركە سۇيكىمدى، ءبىراق سۋرەتتەگى ارۋداي سۇلۋ ەمەس»، «ونشا ۇقساماي قالىپتى. ەركە، شالقار، ماعان رەنجىمەڭىزدەر» دەيدى جەلى قولدانۋشىلارى. مۇنىمەن قاتار، بۇل سۋرەتتى سالعان جىگىتتى بولاشاق كۇيەۋ بالا دەپ بولجاعاندار دا بولدى.
