پان گي مۋن قازاقستاندى كليمات جونىندەگى پاريجدىك كەلىسىمگە قول قويىلۋمەن قۇتتىقتادى

 استانا. قازاقپارات - سەيسەنبى كۇنى نيۋ- يوركە ب ۇ ۇ ۇيىمىنىڭ باس حاتشىسى پان گي مۋن قازاقستاننىڭ سىرتقى ىستەر ءمينيسترى ەرلان ىدىرىسوۆپەن كەزدەستى.

 پان گي مۋن سىرتقى ساياسي ۆەدوموستۆو باسشىسىن كليمات جونىندەگى پاريجدىك كەلىسىمگە قول قويىلۋمەن، سونداي- اق قازاقستاننىڭ ب ۇ ۇ قاۋىپسىزدىك كەڭەسىنىڭ 2017- 2018 -جىلدارعا تۇراقتى ەمەس مۇشەسى بولىپ سايلانۋىمەن قۇتتىقتادى، دەپ حابارلايدى ب ۇ ۇ جاڭالىقتار ورتالىعى.

كەزدەسۋ بارىسىندا باس حاتشى مەن مينيستر قازاقستاننىڭ ب ۇ ۇ- مەن ىنتىماقتاستىعىنىڭ جاي- كۇيى مەن پەرسپەكتيۆالارىن جانە ەلدىڭ ب ۇ ۇ- عا ۇسىنىلعان باستامالارى جونىندە پىكىر الماستى، دەلىنگەن وسى جۇزدەسۋ تۋرالى مالمدەمەدە.

 قازاقستاننىڭ كليمات جونىندەگى پاريجدىك كەلىسىمگە قول قويۋ سالتاناتتى ءراسىمى 2 - تامىزدا نيۋ- يورك قالاسىندا ب ۇ ۇ- نىڭ شتاب- پاتەرىندە ءوتتى.

 ب ۇ ۇ راديوسىنا بەرگەن سۇحباتىندا مينيستر بۇل قۇجاتقا قازاقستان وسى جىلدىڭ ساۋىرىندە وزگە ەلدەرمەن بىرگە قول قويۋدى جوسپارلاعاندىعىن، ءبىراق وعان كەلىسۋ ۇكىمەتتە ۇزاققا سوزىلعاندىعىن ايتتى.

 قازاقستان سىرتقى ساياسي ۆەدوموستۆوسىنىڭ باسشىسى، ءوز ەلىنىڭ 2030 -جىلى اۋاعا شىعارىلاتىن پارنيكتىك گازداردى 15 پايىزعا قىسقارتۋعا مىندەتتەمە العاندىعىن ءمالىم ەتتى.

 ونىڭ سوزىنە قاراعاندا، ەگەر ەلگە قوسىمشا قارجىلاي قولداۋ كورسەتىلگەن جاعدايدا مۇنى 25 پايىزعا دەيىن جەتكىزۋگە بولادى.