ارال ماڭىنان شىرىلداۋىق شەگىرتكەلەر شەگىنەر ەمەس

استانا. قازاقپارات - ارال ماڭىندا شەگىرتكەنىڭ يتاليالىق پرۋس جانە ازيالىق تۇرلەرى كوبەيىپ بارادى.

جايىلىمدى جايپاپ وتەتىن جاندىكتەردى جويۋ ءۇشىن بيىل اۋداننىڭ 61000 گەكتار جەرى ارنايى حيميكاتتارمەن وڭدەلدى. زيانكەستەردى زالالسىزداندىرۋعا ارنايى اۆتوكولىكتەرمەن بىرگە دەل- تاپلاندار جۇمىلدىرىلدى. دەگەنمەن شەگىرتكەلەردىڭ شەگىنەتىن ءتۇرى كورىنبەيدى.

كوپ جىلدىق تاجىريبەگە سۇيەنگەن ماماندار زيانكەستەرگە قارسى كۇرەستى ادەتتەگىدەن ەرتە باستاۋ قاجەتتىگىن ايتادى. دارىلەۋ جۇمىستارىنا جۇمىلدىرىلاتىن تەحنيكالاردى ەكى ەسەگە دەيىن كوبەيتۋدى سۇراپ وتىر. ەگەر قانات بىتسە، شەگىرتكە شوعىرى اسپاندى تورلاپ، تاۋلىگىنە 700 شاقىرىم جەرگە ۇشىپ، جولىنداعى شالعىننىڭ ءبارىن وتاپ كەتەدى.

سوندىقتان تەز جەتىلىپ، كوبەيەتىن جاندىكتى قاناتتانباي تۇرىپ كوزىن جويۋ قاجەت، - دەيدى ماماندار.

ءسابيتجان نۇرعاليەۆ، ارال اۋداندىق اۋىل شارۋاشىلىعى ءبولىمىنىڭ باسشىسى:

- وسى شەگىرتكە جىلدان- جىلعا كوبەيىپ كەلە جاتىر. سوندىقتان شەگىرتكەمەن كۇرەستە ۋاقىتىن كوپ سوزباي، دەر كەزىندە تەحنيكاسىن كوبەيتۋ ارقىلى كۇرەسۋ قاجەت. ولار 1,2,3 بولىك بولىپ شىعادى دەيدى. ءبىراق سول ءۇشىنشى ۇرىقتىڭ شىعۋىن كۇتپەستەن، ءبىرىنشى ۇرىق شىققاننان باستاپ كىرىسە بەرۋ كەرەك دەپ ويلايمىز. سول كەزدە زيانكەستەردىڭ ۇشۋىنا، ءارى قاراي ءوسىپ- ونۋىنە كەدەرگى بولادى دەپ ەسەپتەيمىز.

www.24.kz