جارناماعا تۇسكەن مەيرامبەك بەسپايەۆقا قىزدار بۇرىنعىدان دا قاتتى عاشىق بولىپ قالدى - فوتو

استانا. قازاقپارات - مەيرامبەك بەسپايەۆ تانىمال برەندتىڭ ساعاتىن جارنامالاپ، وتاندىق ونىمدەرگە قولداۋ ءبىلدىردى.

بۇل تۋرالى Stan.kz حابارلايدى.

جۋىردا ءانشى وتاندىق كومپانيالاردىڭ بىرىنە قولداۋ ءبىلدىرىپ، ونىڭ جارناماسىنا ءتۇستى. ءانشى اتالعان كومپانيانىڭ ساعاتتارىنىڭ ۇزدىك ەكەنىن ايتىپ، ونى ساتىپ الۋعا شاقىردى. «وتان» برەندىنىڭ ساعاتتارىن العاشقىلاردىڭ ءبىرى بولىپ بۇركىت تە جارنامالاعان بولاتىن. مەيرامبەك باسپايەۆ سۋرەتىنىڭ تۇسىنا

«وتسە دە كۇلكىسىز قانشا كۇن،

وتسە دە ۇيقىسىز قانشا ءتۇن.

باقىتتىڭ بارىنا سەنەيىك،

ۋاقىتتىڭ باعالاپ ءار ءساتىن»، - دەپ جازىپ قويعان ەكەن.

 

سۋرەتتى كورگەن جەلى قولدانۋشىلارى وعان بۇرىنعىسىنان بەتەر عاشىق بولىپ قالعاندارىن جەتكىزدى. «بالا كۇنىمنەن سىزگە عاشىق ەدىم. ءالى دە ءسۇيىپ كەلەمىن»، «ءسىز ناعىز جىگىت سۇلتانىسىز عوي»، «سونداي ءتاتتىسىز»، «جانىم سول، ۇزاق جاساڭىز»،

«بوزتورعاي» ولەڭىن ايتىپ شىققان ۋاقىتتان بەرى عاشىقپىن»، «مەيرامبەك اعا، ءسىزدى قاتتى جاقسى كورەمىن. ەشقاشان اۋىرماڭىزشى»دەپ جازادى جەلى قولدانۋشىلارى. مۇنىمەن قاتار، كەي سۋرەتتە تىم ۇلكەن كورىنەتىنىن ايتىپ، ساقال قويماۋعا كەڭەس بەرگەندەر دە بولدى.