جول-كولىك وقيعالارىنىڭ كوپشىلىگى بۇلتتى كۇنى جاسالادى
بيىلعى جىلدىڭ 6 ايىندا ەلىمىزدىڭ جولدارىندا ادامداردىڭ ولىمىنە نەمەسە جاراقاتتانۋىنا اكەپ سوققان 7901 جول- كولىك وقيعاسى تىركەلگەن.
ج ك و- نىڭ بەستەن ءبىر بولىگى نەمەسە 1419 ى قولايسىز اۋا- رايى جاعدايىندا ورىن العان (جاڭبىر، قار، تۇمان)، سالدارىنان 154 ادام قازا بولىپ، 1866 سى جاراقاتتاندى.
سالدارى اۋىر ج ك و- لار ەلدەگى اۋا- رايىنىڭ جاعدايى وتە ناشار كەزدەرىندە جانە جولدار دۇرىس كورىنبەيتىن ەڭ قولايسىز جاعدايلار بايقالاتىن جەلتوقسان مەن ءساۋىر ارالىعىندا تىركەلگەن. وسى رەتتە اۋا- رايى جاعدايىنىڭ ناشارلاۋى جاياۋ جۇرگىنشىلەردى قاعىپ كەتۋ سانىن ارتتىرادى.
بەلگىلى بولعانداي، جولدىڭ ناشار كورىنۋى، اۋا-رايى (كوكتايعاق، جولدىڭ تايعاقتىعى) جاعدايىنىڭ سالدارىنان، قاڭتاردا 300 ج ك و، اقپاندا - 155، ناۋرىزدا - 254، ساۋىردە - 324، مامىردا - 279 فاكتى تىركەلگەن.
سالىستىراتىن بولساق، جاز ايلارىندا اپاتتىلىق تومەندەيدى، ماۋسىمدا اۋا- رايىنا بايلانىستى 97 ج ك و بولدى.
«كوپشىلىگى نەمەسە 732 ج ك و بۇلتتى اۋا- رايىندا جاسالعان، وندا 79 ادام قازا بولىپ، 921 ى جاراقاتتانعان، سونداي- اق 477 ج ك و جاڭبىردا (39 جانە 612)، 172 - قاردا (22 جانە 271) جانە 39 ج ك و - تۇماندا (15 جانە 63) ورىن الدى. وسىنداي ج ك و ەلەۋلى ۇلەسى (1126) ەلدى- مەكەندەردە تىركەلەدى، 183 حالىقارالىق، رەسپۋبليكالىق ماڭىزى بار جولداردا جانە تاعى 110 وبلىستىق، اۋداندىق ماڭىزى بار جولداردا جاسالعان»، - دەپ اتاپ وتىلگەن كوميتەت مالىمەتىندە.
بارلىق ج ك و- نىڭ ۇشتەن ءبىر بولىگى ءىرى مەگاپوليس الماتى قالاسىنا تيەسىلى، ءدال وسى شاھاردا جول اپاتتارىنىڭ كوپشىلىگى قولايسىز اۋا رايى سالدارىنان ورىن العان. اعىمداعى جىلى جاراقاتتانۋ مەن ادامداردىڭ مەرت بولۋىنا اكەپ سوققان 482 ج ك و تىكەلدى.
اپاتتىلىقتىڭ ەڭ جوعارعى شەگى تاۋلىكتىڭ 17 مەن 20 ساعاتى ارالىعىنا كەلەدى، ال تۇنگى 01.00 دەن تاڭعى 06.00 گە دەيىنگى ارالىقتا تومەندەيدى.
ايتا كەتەيىك، «مەملەكەتتىك قۇقىقتىق ستاتيستيكا جانە ارنايى ەسەپكە الۋ تۋرالى» قازاقستان رەسپۋبليكاسىنىڭ زاڭىنا سايكەس، قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت ادامداردىڭ ولىمىنە نەمەسە جاراقاتتانۋىنا الىپ كەلگەن جول-كولىك وقيعالارىن عانا ەسەپكە الادى.
اۆتور: رۋسلان عابباسوۆ
