ماسكەۋ تۇبىنەن گيتلەردىڭ ەڭ لاۋازىمدى جاقتاسىنىڭ جازعان كۇندەلىكتەرى تابىلدى

استانا. قازاقپارات - ماسكەۋ تۇبىندەگى پودولسك اسكەري ارحيۆىنەن س س رەيحسفيۋرەرى گەنريح گيمملەردىڭ كۇندەلىكتەرى تابىلدى.

جازبالار 1938، 1942 جانە 1945 -جىلدار دەپ بەلگىلەنگەن.

نەمىستىڭ Bild باسىلىمى كەلتىرگەن كۇندەلىك ۇزىندىلەرىندە ەكىنشى دۇنيەجۇزىلىك سوعىس كەزىندەگى كونسلاگەر تۇتقىندارى جايلى قاتىگەزدىككە تولى مالىمەتتەر بار.

گيمملەر ءوزىنىڭ ءبىر جازباسىندا بۋحەنۆالدتا وزىنە ماسساج جاسالعانىن، سودان كەيىن 10 پولياك تۇتقىندى ولتىرۋگە بۇيرىق بەرگەنىن جازعان.

جانە ول س س ماماندارىنا يتتەردى وسۆەنتسيم تۇتقىندارىنىڭ جۇلما- جۇلماسىن شىعارۋعا ۇيرەتۋ تۋرالى تاپسىرما بەرگەنىن جازعان.

1943 -جىلدارى جازىلعان جازبالاردىڭ بىرىندە گيمملەر تاڭەرتەڭ سوبيبورداعى لاگەردىڭ گاز كامەرالارىن تەكسەرگەنىن، كەشكە وفيتسەرلەرمەن كەشكى اس ىشكەنىن اڭگىمەلەيدى.

ءوز كۇندەلىكتەرىندە گيمملەر وتباسىمەن، دوستارىمەن، سس باسشىلىعىمەن قارىم- قاتىناسىن سيپاتتاعان.

كۇندەلىكتەر كەلەسى جىلى تاريحشىلاردىڭ پىكىرىمەن قوسا جاريالانادى. گەنريح گيمملەر 1929-1945 -جىلدارى س س رەيحسفيۋرەرى قىزمەتىن اتقاردى جانە گيتلەرلىك گەرمانياداعى ەڭ لاۋازىمدى تۇلعالاردىڭ ءبىرى بولدى.

1945 -جىلدىڭ 23 -مامىرىندا كالي تسيانيدى امپۋلاسىن تىستەپ، وزىنە ءوزى قول سالعان.