جۇكتىلىك كەزىندە ىسىك پايدا بولسا
ول تىندە ارتىق سۇيىقتىق جينالۋىنان پايدا بولادى جانە كەي اۋرۋلاردىڭ باستاپقى بەلگىسى وسى. ولاردىڭ اراسىندا كارديولوگيالىق، زات الماسۋ، بۇيرەك اۋرۋلارى جانە اللەرگيا بولۋى مۇمكىن. ولاردىڭ بارلىعى بولاشاق اناعا فيزيكالىق جانە پسيحولوگيالىق قولايسىزدىق تۋعىزادى. جۇكتىلىك كەزىندەگى ىسىكتىڭ ۇلعايۋى سۋلى- تۇزدى الماسۋدىڭ وزگەرۋىنە نەگىزدەلگەن.
جۇكتىلىك كەزىندەگى ىسىكتىڭ پايدا بولۋ سەبەپتەرى
بۇل قۇبىلىستىڭ 4 ستادياسى كەزدەسەدى:
اياقتىڭ تومەنگى بولىگىندە ىسىكتىڭ پايدا بولۋى؛
ءىشتىڭ تومەنگى جاعى مەن بەل- سەگىزكوزدە ىسىكتىڭ پايدا بولۋى؛
قولدىڭ ءىسىنۋى؛
جالپى ءىسىنۋ.
ىسىكتىڭ بار- جوعىن تەكسەرۋ قيىن ەمەس. ول ءۇشىن تەرىنى ساۋساقتارىڭىزبەن قاتتىراق باسۋ كەرەك. ەگەر تەرى بىردەن ورنىنا كەلسە، ىسىك جوق. ەگەر كىشكەنە شۇڭقىر ءىز قالسا، ىسىك بار بولۋى مۇمكىن.
جۇكتىلىك كەزىندە ىسىكتىڭ الدىن الۋ
ەڭ ءتيىمدى شەشىم - تازا سۋ ءىشۋ. سۋعا ليمون قوسۋعا رۇقسات ەتىلەدى. شىرىن، كوفە جانە گازدى سۋسىنداردان باس تارتقان ءجون.
الدىن الۋ شارالارى ىسىككە يتەرمەلەيتىن بارلىق فاكتوردى ەسكەرە جاسالۋى كەرەك:
تۇزدى تاعامداردى ازايتۋ. اشىتقان قىرىققابات، تۇزدالعان قيار، تۇزدى مايشاباق، قارا نان جانە تۇزدى جاڭعاقتاردى مۇلدەم جەمەۋگە تىرىسىڭىز. تاماق پىسىرەردە دۇكەننەن العان دايىن دامدەۋىشتەردى قولدانباڭىز؛
اپتاسىنا ءبىر رەت جەڭىل تاماق بەرىلەتىن كۇن جاساۋعا بولادى؛
ىستىق كۇندەرى دالادا جۇرمەۋگە تىرىسىڭىز؛
شارشاۋعا بولمايدى؛
ۇزاق ۋاقىت بويى ءبىر عانا قالىپتا بولۋعا تىيىم سالىنادى؛
دەنە جاتتىعۋىن جاساۋ ۇسىنىلادى.
بۇل شارالاردىڭ بارلىعى قانداي دا ءبىر قارسى كورسەتىلىم بولماعان جاعدايدا عانا رۇقسات ەتىلەدى. تازا اۋادا سەرۋەندەۋگە كوپ ۋاقىت ءبولۋ كەرەك. ۇيىقتايتىن كەزدە اياعىڭىزدى ءسال جوعارى كوتەرىپ جاتقان ءجون. اياعىڭىزداعى ىسىكتى سۋىق ۆاننا، تابان ماسساجى جانە كەپتىرىلگەن ورىك قايناتپاسى جەڭىلدەتەدى. كەپتىرىلگەن ورىك قايناتپاسىن دايىنداۋ ءۇشىن ورىككە قايناعان سۋ قۇيىپ، تۇنگە قالدىرىڭىز. تاڭەرتەڭ ونى تاماق ىشەر الدىندا 30-40 مينۋت بۇرىن ءىشۋ كەرەك.
تۇز - سۇيىق اعزادان شىعا الماۋىنىڭ بىردەن- ءبىر سەبەبى. سوندىقتان بارلىق دايىنداعان تاماعىڭىزدى شالا تۇزداڭىز. ستاتيستيكا بويىنشا، جۇكتىلىك كەزىندەگى تۇزدىڭ قالىپتى مولشەرى 8 گ، ال قالىپتى جاعدايدا 14 گ ەكەن.
دەرەككوز: Massaget.kz
