قىز بالانىڭ قۇلاعىن نەشە جاستان تەسۋگە بولادى؟

استانا. قازاقپارات - بۇل سۇراققا ەشكىم بىركەلكى جاۋاپ بەرە المايدى. كوپتەگەن اتا- انالار بالالارىنىڭ قۇلاعىن ەرتەرەك تەسكىسى كەلەدى.

ءبىز ەڭ الدىمەن، بالالاردىڭ نەگىزگى ەكپەلەرىن الاتىن ۋاقىتتى كۇتۋىنە كەڭەس بەرەمىز. ول ءۇشىن بالالار دارىگەرىنە بارۋىڭىز قاجەت. سونىمەن قاتار، ءبىز بالانىڭ ءوزى كەرەك پا، جوق پا دەپ تۇسىنەتىن ۋاقىتقا جەتۋىن توسۋعا كەڭەس بەرەمىز.

كەيبىر بالالار قۇلاقتاعى سىرعالارىن 5 جاسىندا تاعىپ باقىتتى بولعىسى كەلەدى، كەيبىرى تەك 15 جاسىندا، ال كەيبىرەۋلەرى مۇلدەم تاققىسى كەلمەيدى.

بىرىنشىدەن، ينە- سىرعانى پايدالانۋ ناتيجەسىندە قۇلاعىڭىزدىڭ قابىنۋىنان قۇتىلۋعا بولاتىنىن ۇمىتپاڭىز! ەگەر تەسە سالىسىمەن كىشكەنە اۋىرىپ كىشىگىرىم قىزارۋ پايدا بولسا، وندا ول - قالىپتى جاعداي. ەگەر دە ءسىز تەسكەننەن سوڭ ايتىلعان كەڭەستەردى (8- پۋنكت) دۇرىس ورىندايتىن بولساڭىز، بۇل بەلگىلەر 48 ساعاتتىڭ ىشىندە كەتىپ قالۋى ءتيىس. قىزارىپ قابىنعانى تاراماعان بولسا، وندا ىلگەكتىڭ قۇلاق سىرعالىعىنا تاقالىپ تۇرماعانىنا كوز جەتكىزىڭىز، ەگەر سولاي بوپ تۇرسا، وندا ارتىن ءسال بوساتىڭىز: تەسىككە اۋا كەلىپ تۇرۋى قاجەت - ول جازىلۋدى تەزدەتەدى.

قۇلاق تەسۋ جاقپايدى، ەگەر دە سىزدە:

قاتەرلى سوزىلمالى اۋرۋلار بولعان جاعدايدا (تەرى اۋرۋلارى، ديابەت جانە ت. ب. )؛

كەلويدقا بەيىمدەلگەن جاعدايدا؛

جارالار ۇزاق جازىلاتىن بولسا؛

جۋىق ارادا (2 اپتاداي) ينفەكسيالىق اۋرۋمەن اۋىرعان جاعدايدا؛

السىزدىك بولعاندا؛

يممۋندىق جۇيە قاتتى السىرەگەن بولسا؛

بەلگىلى مەتالل تۇرلەرىنە اللەرگيا بولسا.