ماقپال يسابەكوۆا ارىپتەسى ادەمىنى ۇياتقا قالدىردى - فوتو
اتالعان سۋرەتتەگى انشىلەردىڭ سىرت كەلبەتى مەن قازىرگى دەنە ءبىتىمىن سالىستىرۋ مۇمكىن ەمەس. سەبەبى، ايتارلىقتاي وزگەرىس بار.
بۇل تۋرالى Stan.kz حابارلايدى.
ماقپال يسابەكوۆا مەن ءانشى ادەمى مانساپ جولدارىن Superstar.kz جوباسىنان باستاعان. قوس ءانشىنىڭ اتالعان جوباعا قاتىسقاندارىنا 13 جىل بولدى. بۇگىن يسابەكوۆا سول كەزدە تۇسكەن سۋرەتىن ءبولىسىپ، ارادا كوپتەگەن وزگەرىستىڭ بولعانىن مەڭزەدى. سونىڭ ءبىرى - ءوزى مەن ادەمىنىڭ سىرت كەلبەتى.
«بۇرىن الەۋمەتتىك جەلى دەگەن ۇعىم بولمادى. اركىم ءوزى قالاعانشا ءومىر سۇرەتىن. مۇنىمەن قاتار، كومپلەكستەر دەگەن ۇعىم دا بولمادى. ەشكىم دە ساۋساعىمەن كورسەتىپ تۇرىپ "سەن سەمىزسىڭ» دەپ تە ايتقان ەمەس. ۋاقىت وتە كەلە سەن مىنەزىڭدى، قۇندىلىقتارىڭدى، كيىم مەن اكسەسسۋارلارعا دەگەن تالعامىڭدى، قورشاعان ورتاڭدى، دەنە سىمباتىڭدى وزگەرتەسىڭ.
ارادا 13 جىل ءوتتى. ءبىراق بىلەسىزدەر مە، مەن راسىمەن سەمىز بولدىم! بارلىعى دا وسىلاي بولۋى كەرەك ەدى. ەڭ باستىسى، ومىرىمىزدە قانداي جاعداي بولسا دا، ادامگەرشىلىك تانىتۋ. بۇرىنعى سىرت كەلبەتىمىزدەن ۇيالۋدىڭ قاجەتى جوق. سيتۋاتسياعا دۇرىس باعا بەرۋىمىز كەرەك. ماقپال، ەستەلىك ءۇشىن راحمەت»، - دەيدى ادەمى.
ءانشى سۋرەتتەگى سىرعالارىن ءالى كۇنگە دەيىن ساقتاپ ءجۇر ەكەن. جەلى قولدانۋشىلارى باستاپقىدا ادەمىنى تانىماي قالعاندارىن ايتتى. دەسە دە، ونىڭ كومپلەكسسىز ادام ەكەنىنە قايران قالدى. مۇنىمەن قاتار، اراسىندا ءانشىنى پلاستيكالىق وپەراتسيا جاساتىپ العان دەگەندەر دە بولدى.
«ءماسساعان! سىزدەردى تانىماي قالدىم«، «ارينە، بۇرىنعى سىرت كەلبەتىڭىزدەن ۇيالۋدىڭ قاجەتى جوق. ءبىراق بۇل تۇستا ماقپال ءسىزدى اياقتان شالعان سياقتى»، «ءدال قازىر سونداي سۇلۋسىز»، «سىرعالارىڭىزعا ءسوز جوق»، «سىزبەن تولىقتاي قوسىلامىن! جارايسىز!»،
«مۇرنىڭىزدى وزگەرتكەن سياقتىسىز الدە ماعان سولاي كورىنىپ تۇر ما؟» دەيدى جەلى قولدانۋشىلارى. ءانشى تىڭدارماندارىنىڭ ماقپالعا قاتىستى پىكىرىنەن كەيىن ونىڭ وزىنەن رۇقسات سۇراعانىن ايتتى.
