استانا كوشەلەرىندەگى جاڭا جىلدامدىق ولشەگىشتەردى ىشكى ىستەر دەپارتامەنتى الىپ تاستادى

استانا. قازاقپارات - ەلوردالىق ىشكى ىستەر دەپارتامەنتى كەيبىر كوشەلەردەن جىلدامدىق ولشەگىش سۇر قۇرىلعىلار («ۆوكورد- سيكلوپ اپپاراتتى- باعدارلامالىق كەشەندەرى) نەلىكتەن الىنعانىن ءتۇسىندىردى.

«بۇل شارالار جاسالعان تالداۋدىڭ ناتيجەسىندە جۇرگىزىلدى. وسى رەتتە جول- كولىك وقيعالارىنا بايلانىستى احۋال تالدانعاننان كەيىن، بۇل جىلدامدىق ولشەگىشتەر جكو از جاسالاتىن ۋچاسكەلەردەن شەشىلىپ، اپاتتىق جاعداي كوپ ورىن الاتىن جەرلەرگە قايتا ورناتىلدى»، - دەپ ءتۇسىندىردى استانا ءى ءى د باسپا ءسوز حاتشىسى سوفيا قىلىشبەكوۆا.

 ماسەلەن، جىلدامدىق ولشەگىش سۇر قۇرىلعىلار كەيبىر جولداردان الىنىپ، باسقا كوشەلەردىڭ بويىندا بىرنەشە ۋچاسكەگە ورناتىلدى. ونىڭ سوزىنە قاراعاندا، اتالعان قۇرىلعىنى ورناتۋ جۇمىستارى كۇردەلى بولماعاندىقتان، ولاردى جولداردىڭ باسقا ۋچاسكەلەرىنە اۋىستىرۋ قيىنعا تۇسپەيدى.

باسپا ءسوز حاتشىسىنىڭ ايتۋىنشا، جىلدامدىق ولشەگىشتەر وزدەرىنىڭ تيىمدىلىگىن كورسەتىپ وتىر. «ۆوكورد- تسيكلوپ» كەشەندەرى بيىلعى اقپاننىڭ سوڭىندا ىسكە قوسىلىپ، ولاردىڭ كومەگىمەن 230 ميلليون تەڭگە سوماسىنداعى جىلدامدىق رەجىمى بويىنشا 9300 استام جول ەرەجەسىن بۇزۋ فاكتىلەرى انىقتالدى. جالپى، جىل باسىنان بەرى قالاداداعى فوتو جانە بەينە قۇرىلعىلار ارقىلى 500 ميلليون تەڭگە سوماسىندا 23 مىڭ ەرەجە بۇزۋ وقيعالارى تىركەلدى.

ايتا كەتەيىك، بۇل سۇر ءتۇستى قۇرىلعىلار وتكەن جىلى تەستىلىك رەجىمدە جۇمىس ىستەدى. بيىل اقپان ايىندا 21 وسىنداي اپپارات ىسكە قوسىلدى.

اۆتور: رۋسلان عابباسوۆ