شىڭ لۇڭ اتاق پەن اقشاعا قۇنىققانى ءۇشىن وكىنىپ ءجۇر

استانا. قازاقپارات - دجەكي چان(شىڭ لۇڭ) ءوز ءومىرى تۋرالى كىتاپ جازىپ، باسىنان كەشكەن وقيعالارىن بايانداپ بەردى.

مۇنىمەن قاتار، اكتەر جۋرناليستەرگە بەرگەن سۇحباتىندا ءبىر كەزدەرى اقشا مەن اتاققا قاتتى قۇنىققانى ءۇشىن وكىنەتىنىن ايتتى.

بۇل تۋرالى Stan.kz سايتى حابارلايدى.

اتى الەمگە ايگىلى اكتەر «مەن باقىتتىمىن» اتتى كىتاپ جازىپ، ومىرىنەن سىر شەرتتى. مۇنىمەن قاتار، دجەكي چان راسىمەن دە اتاققۇمار بولعانىن مويىندادى. ول مۇمكىندىك بولعان كەزدە جاقسى ءبىلىم الا الماعانى ءۇشىن قاتتى وكىنىپ ءجۇر ەكەن.

اكتەر كىتاپتا ومىرىندەگى ءوزى ءۇشىن ماڭىزدى بولعان ساتتەرى تۋرالى بايانداعان. ءتۇرلى تريۋك ورىنداۋىنا تۋرا كەلگەن ءتۇسىرىلىم جۇمىستارى مەن گولليۆۋدتى قالاي باعىندىرعانىن، وزىنە تانىمالدىلىق اكەلگەن ون شاقتى ءفيلمنىڭ قالاي تۇسىرىلگەنىن ايتىپ بەرگەن. بۇدان وزگە ماحاببات، كاسىبيلىك پەن ادامگەرشىلىك، اتاقۇمارلىق سىندى قاسيەتتەرگە وزىندىك باعاسىن بەرىپ، پىكىرىن بولىسكەن.

«جاس كەزىمدە مۇمكىندىك بەرىلىپ تۇرىپ جاقسى وقىماعانىم ءۇشىن قاتتى وكىنەمىن. ول كەزدە ماعان قالتامداعى اقشا مەن ماراپات سىيلىقتار وتە ماڭىزدى بولاتىن. ەگەر ۋاقىتتى كەرى اينالدىرا السام، جاقسى جەردە ءبىلىم الۋعا تىرىساتىن ەدىم»، - دەيدى دجەكي چان.

بيىل ايگىلى اكتەر 62 جاسقا تولدى. تايلىق اكتريسا لين فەنجياوعا 1983 -جىلى ۇيلەنگەن. ەكەۋىنىڭ چان جوميڭ ەسىمدى ۇلدارى بار. مۇنىمەن قاتار، ءوزى زاڭسىز نەكەدەن تۋىلعان ەلەين ۋ سيلي ەسىمدى قىزى بار. ول 1999 -جىلى ەتتا ۋ جولينگتەن تۋىلعان. اكتەر بۋددا ءدىنىن ۇستانادى.