قاراعاندى وبلىسىندا بەنزين ءىشىپ قويعان بالا قايتىس بولدى

قاراعاندى. قازاقپارات - قاراعاندى وبلىسىنىڭ بالقاش قالاسىندا بەنزين ءىشىپ قويعان ءبىر جاسار بالا قايتىس بولدى.

 بۇل تۋرالى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ايجان يسا حابارلادى.

«30 - شىلدە كۇنى تاڭعى 5.40-تا بەنزين ءىشىپ اۋرۋحاناعا تۇسكەن ءسابي قايتىس بولدى. اۋرۋحاناعا تۇسكەندە جاعدايى تىم اۋىر ەدى. قاتتى ۋلانعان، باس ميى ىسىنگەن، وسىنىڭ ءبارى ولىمگە الىپ كەلدى»، - دەدى ايجان يسا.

ايتا كەتەيىك، 28 - شىلدە كۇنى ءبىر جاسار بالا بالقاش ورتالىق اۋرۋحاناسىنا جاتقىزىلدى. اتا- اناسىنىڭ ايتۋىنشا، پلاستيك ىدىستان بەنزين ءىشىپ قويعان.

 بالانىڭ اتا- اناسىنا قاتىستى پوليتسيا سوتقا دەيىنگى تەرگەۋ امالدارىن باستادى.