الماتىدا تەراكتىدە زارداپ شەككەن ەكى پوليتسيا قىزمەتكەرى اۋىر جاراقات سالدارىنان كوز جۇمدى

الماتى. قازاقپارات - الماتىدا اۋرۋحانادا جاتقان تاعى ەكى پوليتسيا قىزمەتكەرى اۋىر جاراقاتتىڭ سالدارىنان كوز جۇمدى.

بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.

 الماتى قالالىق جەدەل مەديتسينالىق كومەك كورسەتۋ اۋرۋحاناسىنىڭ جان ساقتاۋ بولىمىندە جاتقان ەكى پوليتسيا قىزمەتكەرى قازا تاپتى. ولار كۇلەكبايەۆ تاراپىنان بولعان قۇقىققا قايشى ارەكەتكە تويتارىس بەرۋ بارىسىندا وق ءتيىپ اۋىر جاراقات العان بولاتىن.

دارىگەرلەر قولدان كەلگەننىڭ بارلىعىن جاساعانمەن، ولاردىڭ ءومىرىن امان الىپ قالا المادى. وكىنىشكە قاراي، العان جاراقاتتارى تىم اۋىر بولدى.

پوليتسيا اعا سەرجانتى ابىلدايەۆ سەرىك ەركەن ۇلى، 1973 -جىلى تۋعان. الماتى قالالىق ءى ءى د جەرگىلىكتى پوليتسيا قىزمەتىنىڭ جول- پاترۋلدىك پوليتسيا پولكىنىڭ پوليتسيا قىزمەتكەرى. ىشكى ىستەر ورگاندارىندا 1994 -جىلدان بەرى قىزمەت اتقارىپ كەلگەن. قىزمەت بارىسىندا 1, 2, 3 دارەجەلى «ىشكى ىستەر ورگاندارىنداعى ءمىنسىز قىزمەتى ءۇشىن» مەدالدارىمەن، «قازاقستان پوليتسياسىنا 20 جىل»، توسبەلگىسىمەن، ق ر ءى ءى م مەن الماتى قالالىق ءى ءى د ماقتاۋ قاعازدارىمەن ماراپاتتالدى. وتباسى - ۇيلەنگەن، 3 قىزدىڭ اكەسى.

 راحماتۋللايەۆ مەيرامبەك ءنۇردىللا ۇلى، 1992 -جىلى تۋعان. المالى اۋداندىق ءى ءى ب ۋچاسكەلىك ينسپەكتورى. ىشكى ىستەر ورگاندارىندا 2012 -جىلدان بەرى قىزمەت اتقارىپ كەلگەن. قىزمەت بارىسىندا ق ر ءى ءى م مەن الماتى قالالىق ءىىد ماقتاۋ گراموتارالىرمەن تالاي رەت ماراپاتتالعان. وتباسىلىق جاعدايى - ۇيلەنگەن.

 الماتى قالالىق ءى ءى د باسشىلىعى، ارداگەرلەر كەڭەسى مەن جەكە قۇرامى مەزگىلسىز كوز جۇمعان سەرىك ابىلدايەۆ پەن مەيرامبەك راحماتۋللايەۆتىڭ وتباسى مەن تۋعان- تۋىستارىنا قايعىرىپ كوڭىل ايتادى.

اۆتور: ايبوتا جاپپاربەرگەن