تەڭگە السىرەگەننەن كەيىن تامىز ايىندا باسپانا ارزانداي ما؟
Homsters.kz قازاقستاندىق وكىلدىگىنىڭ جەتەكشىسى ولەسيا مەلنيكوۆانىڭ ايتۋىنشا، شىلدەدە جاڭا ەمەس باسپانالار نارىعى تۇراقسىز بولدى. "ايدىڭ باسىندا شاعىن پاتەرلەردىڭ قىمباتتاۋى بايقالدى. العاشقى ەكى اپتادا جاڭا ەمەس باسپانالار نارىعىندا 1 جانە 2 بولمەلى پاتەرلەر 3-4 پايىزعا قىمباتتاپ، ءۇش بولمەلى پاتەرلەردىڭ ساۋداسى توقتاپ قالدى، ال ءتورت بولمەلى پاتەرلەردىڭ قۇنى تۇسە باستادى"، - دەيدى ساراپشى.
ايتۋىنشا، بۇل تەندەنتسيا ۇزاققا سوزىلمادى. ونىڭ مالىمەتىنشە، ءۇشىنشى اپتادان باستاپ باعا ايدىڭ باسىنداعى دەڭگەيگە قايتا ءتۇستى، الايدا تەڭگە باعامىنىڭ ديناميكاسىنىڭ اسەرىنەن قايتا جوعارىلاي باستادى.
مەلنيكوۆانىڭ ايتۋىنشا، 1 نەمەسە 2 بولمەلى پاتەرلەردىڭ قىمباتتاۋى داعدارىستان كەيىنگى نارىققا ءتان قۇبىلىس. بۇل كەزدە ساتىپ الۋشىلار ءوزىنىڭ قارجى الەۋەتىن دۇرىس باعامداپ، قالتاسى كوتەرەتىن باسپانانى تاڭدايدى. بۇل ءبىرىنشى كەزەكتە بانك يپوتەكالارىنىڭ قولجەتىمسىز ەكەندىگىمەن تۇسىندىرىلەدى. ال بۇعان دەيىن جەتپەي جاتقان قاراجاتتى بانك ارقىلى تولەۋگە مۇمكىندىك بولعان.
"جالپى العاندا ءبىر ايدا الماتى مەن استاناداعى جاڭا ەمەس ۇيلەر نارىعىندا ورتاشا باعا شامامەن 1,5-2 پايىزعا وسكەن. بۇعان نەگىزگى سەبەپ - تەڭگە باعامىنىڭ اي سوڭىنا تامان دوللارعا قاتىناسىندا 346-350 تەڭگەگە السىرەۋى. ءبىزدىڭ پىكىرىمىزشە، جاڭا ەمەس ۇيلەر نارىعىنداعى باعا مەن باعامنىڭ وزگەرۋى ساتۋشىلاردىڭ باسىم بولىگىنىڭ ءوز نىساندارىنا بۇرىنعىداي شارتتى تۇردە باعا بەلگىلەپ العانىن تاعى ءبىر مارتە دالەلدەپ وتىر"، - دەپ اتاپ ءوتتى مامان.
تامىز ايىنا بولجام جاساعان ول جاڭا ەمەس باسپانالاردىڭ باعاسىنىڭ تەڭگە باعامىنىڭ ديناميكاسىنا بايلانىستى بولاتىنىن ايتتى. تەڭگە باعامىنىڭ تۇراقتىلىعى ساقتالعان جاعدايدا باعا تومەندەتىلمە ترەندكە ورالىپ، ءبىر ايدا 1 پايىزعا دەيىن جوعالتۋى مۇمكىن. الايدا، ونىڭ پىكىرىنشە، ۇلتتىق ۆاليۋتا قۇلدىراعان جاعدايدا جاڭا ەمەس باسپانا يەلەرىنىڭ شارشى مەتر باعاسىن تەپە- تەڭ كوتەرەدى دە، باعا قايتادان جوعارىلايدى.
ءبىراق ول تەڭگە باعامىنىڭ ديناميكاسى مەن جاڭا ەمەس باسپانالار نارىعىنداعى باعانىڭ جاڭا ۇيلەردىڭ نارىعىنا ايتارلىقتاي اسەرىن تيگىزبەيدى دەگەن سەنىمدە. «ءسوزسىز، بۇل بولجام تەڭگە باعامىنىڭ ايتارلىقتاي وزگەرىسكە تۇسۋىنە قاتىستى ەمەس. ديەۆەلوپەرلەر ءالى دە نارىقتىڭ كۇزدە بەلسەندى بولادى دەپ كۇتىپ وتىر، ال ازىرشە ساتىپ الۋشىلارعا جەڭىلدىكتەر مەن اكتسيالارىن ۇسىنىپ، بەلسەندى تۇردە ساۋدا جۇرگىزىپ جاتىر»، - دەدى مەلنيكوۆا.
ال قازاقستان جىلجىمايتىن مۇلىك فەدەراتسياسىنىڭ پرەزيدەنتى ەرمەك مۇسىرەپوۆ تامىزدان باستاپ قاراشاعا دەيىن جىلجىمايتىن مۇلىك باعاسىنىڭ تومەندەيتىنىنە سەنىمدى. "قازىر قۇننىڭ تەڭگەمەن تىركەلۋى ءتيىس ەكەنى تۋرالى ناقتى تۇسىنىك با. بۇگىندە تەڭگەنىڭ قۇنى ءتۇسىپ جاتىر، سوعان قاراعاندا كۇزدە باعا 10-15 پايىزعا تۇسەدى، ال كەيبىر نىساندار ءتىپتى 20 پايىزعا دەيىن تۇسەدى"، - دەدى مامان. ونىڭ ايتۋىنشا، تولەۋ قابىلەتىنىڭ سۇرانىسىنىڭ نولدىك دەڭگەيدە ەكەن.
