استانا ۆەلوشاباندوزى الەكسەيدىڭ ورنىنا وليمپياداعا باسقا سپورتشى بارادى
بۇل تۋرالى كوماندا سايتىندا حابارلاندى.
قازاقستاندىق سپورتشى فرانسيادا قورىتىندى جارىس الدى جاتتىعۋلاردىڭ ءبىرى ۋاقىتىندا كولىكپەن سوقتىعىسىپ قالىپ، زارداپ شەكتى. ول بىردەن موناكوداعى اۋرۋحاناعا جەتكىزىلدى، دارىگەرلەر سپورتشىنىڭ تابانىنىڭ جاراقاتتانعانىن انىقتادى. دارىگەرلەر وعان ءۇش اپتا قاتتى قيمىلدان شەكتەۋ قاجەت دەگەن قورىتىندى جاسادى.
«ءدال فينالدىق جاتتىعۋ كەزىندە ورىن العانى وتە وكىنىشتى! الەكسەي تۋر دە فرانس كۇردەلى جارىستى ءساتتى اياقتاعان. ول العاشقى وليمپيادادا مەدال ءۇشىن تالاسا الاتىنىنا ىشتەي سەنىمدى ەدىم. الەكسەي جىلدام ساۋىعىپ كەت...» - دەپ جازدى كوماندانىڭ باس مەنەدجەرى الەكساندر ۆينوكۋروۆ.
بولعان وقيعاعا وراي، وليمپيادا ويىندارىنا «استانا» كومانداسىنىڭ بەلگىلى ۆەلوشاباندوزى اندرەي زەيس قاتىساتىن بولدى. وليمپيادا قۇراماسىنىڭ رەزەرۆىندە تۇرعان لۋسەنكو توپتىق جارىستا دا، جەكە جارىستا دا ونى الماستىراتىن بولادى.
