مەسسي «سەلتيك» فۋتبول كومانداسىنىڭ «استانانى» جەڭۋىن تىلەدى

استانا. قازاقپارات - «بارسەلونا» شابۋىلشىسى ليونەل مەسسي چەمپيوندار ليگاسىنداعى «استانا» كومانداسىنىڭ «سەلتيكپەن» جولداستىق كەزدەسۋى الدىندا ءوز بولجامدارىمەن ءبولىستى.

«قازىر «سەلتيك» ءۇشىن چەمپيوندار ليگاسىنىڭ ىرىكتەۋ ويىندارى سەكىلدى ماڭىزدىراق ويىندار بار، ءبىراق بۇل ماتچ ولارعا دايىندىق ءۇشىن قاجەت بولادى. ءبىز «سەلتيكپەن» ويناعانبىز، ول ماتچتاردى ەشقاشان ۇمىتپايمىن. بۇل تاماشا جانكۇيەرلەرى بار تاماشا كلۋب. ولاردى بيىلعى توپتىق كەزەڭدە كورگىم كەلەدى - ولاردىڭ ورنى سول جەردە»، - دەدى مەسسي.

ەسكە سالا كەتەيىك، قازاقستاننىڭ استاناسىندا وتكەن «استانا» - «سەلتيك» ءبىرىنشى ماتچى 1:1 ەسەبىمەن تەڭ اياقتالدى. قارىمتا ماتچ 3 -تامىز كۇنى گلازگودا وتەدى. ويىن استانا ۋاقىتىمەن 00:45 تە (بەيسەنبىگە قاراعان ءتۇنى) باستالادى، دەپ حابارلايدى Sports.kz.