جەرسەرىكتىك تەلەۆيزياسىنىڭ «وتاۋ ت ۆ» توپتاماسىنا تولەم قىمباتتايدى
«قازتەلەراديو» ا ق باسپا ءسوز قىزمەتىنىڭ حابارلاۋىنشا، بۇل شارا شەتەلدىك تەلەارنالاردى رەترانسلياتسيالاۋ بويىنشا قۇقىقتاردى الۋعا شىعىنداردىڭ ايتارلىقتاي وسۋىمەن بايلانىستى. ءبىر جارىم جىلدىڭ ىشىندە ۇلتتىق ۆاليۋتا - تەڭگەنىڭ بىرنەشە رەت قۇلدىراۋىن ەسەپكە الا وتىرىپ، كومپانيا ابونەنتتىك تولەم ساقتاۋ ءۇشىن رەزەرۆتى قاراستىردى.
وسى ابونەنتتىك تولەمنىڭ كوبەيۋى قىزمەتتىڭ قۇرامىندا رەيتينگتىك قىمبات تۇراتىن شەتەلدىك ارنالاردى ساقتاۋ ماقساتتارىندا شىعىنداردى وتەۋ ءۇشىن ءماجبۇرلى شارا بولىپ تابىلادى. كومپانيادا تۇسىندىرۋىنشە، شەتەلدىك جانە وتاندىق ارنالاردى رەترانسلياتسيالاۋمەن بايلانىستى شىعىندار تۇراقتى تۇردە وسۋدە، بۇل رەتتە «OTAU TV» جەرسەرىكتىك تەلەۆيزياسىنىڭ قىزمەتتەرى ءۇشىن قالىپتاسۋ كۇنىنەن باستاپ قۇنى ەشبىر كوتەرىلمەدى.
رەترانسلياتسيا ءۇشىن تولەمدى، سونىڭ ىشىندە اتاقتى باعدارلامالارعا كونتەنت پەن فرانشيزانى شەتەلدە العاندىقتان تاياۋ شەتەلدىك ەلدەردىڭ قۇقىق يەلەرى دە شەتەلدىك ۆاليۋتادا تولەيدى. وسىعان بايلانىستى، دوللارعا دەگەن تەڭگە باعامىنىڭ ەكى ەسەگە وسۋىنە بايلانىستى ءتۇسىپ جاتقان تابىستار شەتەلدىك تەلەارنالاردى تاراتۋعا قۇقىقتاردى ساتىپ الۋ بويىنشا شىعىنداردى وتەمەيدى.
- «قازتەلەراديو» ا ق ۇسىنىپ وتىرعان قىزمەتتەردىڭ ساپاسىن ارتتىرۋ، كونتەنتتى كەڭەيتۋ بويىنشا جۇمىستاردى تۇراقتى تۇردە وتكىزۋدە. وسىلايشا، «تولىق» ارنالار توپتاماسىنىڭ قۇرامىنا 115 تەلەراديوارنالار كىرەدى، سونىڭ ىشىندە 60 تان استامى - بۇل ايگىلى شەتەلدىك تەلەارنالار. «OTAU TV» جەرسەرىكتىك تەلەۆيزيانى ىسكە قوسۋ كەزىنەن باستاپ 5 جىل ءوتتى، اقىلى ارنالاردىڭ سانى تۇراقتى تۇردە ءوستى، سونىڭ وزىندە ابونەنتتىك تولەم باستاپقى دەڭگەيدە قالىپ وتىردى، سونداي-اق ءبىز ونى بىرنەشە رەت تومەندەتتىك. ەكونوميكالىق جاعداي ءوزىنىڭ شارتتارىنا ماجبۇرلەگەن كەزدە ءبىز ابونەنتتىك تولەمدى ارتتىرمادىق. ءبىزدىڭ تۇتىنۋشىلارمىز وسى جاعدايعا تۇسىنۋشىلىكپەن قارايدى دەپ ۇمىتتەنەمىز، - دەپ اتاپ ءوتتى «قازتەلەراديو» ا ق تەلەراديوكومپانيالارمەن ءوزارا ارەكەتتەستىك جونىندەگى دەپارتامەنتتىڭ ديرەكتورى گۋلميرا بالتابايەۆا.
ەسكە سالا كەتسەك، «OTAU TV» جەرسەرىكتىك تەلەۆيزياسى قازاقستان رەسپۋبليكاسىنىڭ %100 اۋماعىن قامتيتىنىن جانە قازاقستاننىڭ شالعايداعى وڭىرلەردىڭ تۇرعىندارى اراسىندا اقپاراتتىق تەڭسىزدىكتى جويۋ بويىنشا مەملەكەتتىك باعدارلامانى جۇزەگە اسىرۋدا ءبىرىنشى كەزەڭ بولىپ تابىلاتىنىن ەسكە سالامىز. ابونەنتتەردىڭ سانى 1 ميلليون وتباسىن قامتيدى.
