سافار شاكەيەۆتى باتىرحان شۇكەنوۆتىڭ جانىنا جەرلەيدى - فوتو
«قازاق كونسەرت» زالىندا وتكەن قارالى جيىنعا بەلگىلى قوعام جانە مادەنيەت قايراتكەرلەرى، ونەر جۇلدىزدارى، الماتى قالاسى اكىمىنىڭ ورىنباسارى ارمان قىرىقبايەۆ، سونداي-اق سافار شاكەيەۆتىڭ دوستارى مەن ارىپتەستەرى، ونى ىزدەۋ شارالارىنا قاتىسقان ۆولونتەرلەر، قاراپايىم قالا تۇرعىندارى كەلىپ، مارقۇمنىڭ وتباسى مەن تۋعان-تۋىستارىنا قايعىرىپ كوڭىل ايتۋدا.
«قازاق كونسەرت» زالى حالىققا لىق تولدى دەسە دە بولادى. سافاردىڭ دوستارى مەن ارىپتەستەرى ۇستەرىنە سافاردىڭ بەينەسى سالىنعان جەيدە كيىپ كەلدى.
«سافار ءومىردى شەكسىز سۇيەتىن مەنىڭ اياۋلى دا مەيىرىمدى دوسىم ەدى. ول مەنى كەزىندە الماتىعا جۇمىسقا شاقىرعان. جۇمىس بارىسىندا ءبىز دوستاسىپ كەتتىك. ءبىز مەيىرىمدى، اياۋلى دوسىمىزدان ايرىلىپ وتىرمىز. ول ءومىردى، اتا-اناسىن، تۋعان-تۋىستارىن، دوستارىن كەرەمەت جاقسى كوردى. ول رەجيسسەر بولاتىن. كينويندۋستريا سالاسىندا الدىنا قويعان جوسپارلارى كوپ ەدى. ءبىز سافاردى ماڭگى ەستە ساقتاۋ ءۇشىن ەندى ءبىرقاتار شارالاردى جۇزەگە اسىرامىز. ءبىز 11 كۇن بويى ۆولونتەرلار قاتارىندا بولىپ، ىزدەۋ شارالارىنا قاتىستىق. ءۇمىتىمىز زور ەدى. امال قانشا، وكىنىشتەن وزەگىمىز ورتەنەدى. سافاردىڭ اسىل بەينەسى جادىمىزدا ماڭگىگە ساقتالادى»، - دەدى سافاردىڭ دوسى رۇستەم تورەعاليەۆ.
سافار شاكەيەۆ كەڭساي-2 زيراتىنا باتىرحان شۇكەنوۆتىڭ جانىنا جەرلەنەدى.
